Այսօր Մեդիա կենտրոնում մայիսյան 6-րդ հավաքի վերջին օրն էր: Առավոտյան ժամը 9-ից բոլորը քիչ-քիչ հավաքվում էին, իսկ ժամը 10:00-ին սկսվեց հավաքը: Տիար Բլեյանը ներկայացրեց կրթահամալիրի տարբեր ծրագրեր, որոնք առաջիկայում պետք է իրականանան կրթահամալիրում: Մեդիակենտրոնը ներկայացվեց որպես կրթահամալիրի 2-րդ կենտրոն, որտեղ ամռանը պետք է իրականացվեն մի շարք ծրագրեր:
Վանաձորի թ. 19 դպրոցի ուսուցչուհի Անուշ Թորոսյանը պատմեց իր տպավորությունների մասին: Կրթահամալիրի ուսուցիչները ևս ներկայացրին իրենց կարծիքը, տպավորությունները:
Սարգիսը ներկայացրեց կայքի հեռախոսային տարբերակը և պատասխանեց հուզող հարցերին: Շատերը հենց տեղում բջջային հեռախոսներով մտան կայք և ցույց տվեցին, թե ինչպես է կայքն աշխատում:
Ընդմիջումից հետո Մեդիակենտրոնի նոր կինոսրահում դիտեցինք «ժանգոտ դդում» փառատոնի գովազդային հոլովակը:
Հավաքը ամփոփվեց, առաջիկա շաբաթվա ընթացքում մեդիակենտրոնում նախատեսվում են կրթահամալիրի ընդունելության, կրթահամալիրի դպրոցների, ամառային աշխատանքի մասին նոր ներկայացումներ (պրեզենտացիաներ):
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
