Մենք արդեն վերադարձել ենք Գորիսից: Սպասումներս արդարացված են: Մեզ այնտեղ շատ լավ դիմավորեցին: Մեր ժամանակն անցնում էր հետաքրքիր և անակնկալներով լի: Կատարվեց իմ երազանքը, ես վերջապես քայլեցի Խնձորեսկ գյուղի ճոճվող կամրջի վրայով, իհարկե շատ վախենալով, բայց ես հասա իմ երազանքին: Մենք Գորիսի ճանապարհին մտանք Վայքի Սուրբ Տրդատ եկեղեցի: Այնուհետև շարժվեցինք Գորիսի թիվ 3 դպրոց, որտեղ մեզ սպաում էին արդեն մեր նոր ընկերները: Ծանոթացանք, ընկերացանք և անցկացրինք երեք անմոռանալի օրեր միասին: Եղանք հին Գորիսում, խոնարհված Սուրբ Հռիփսիմե վանքում, Սբ. Աստվածածին եկեղեցում, Քարահունջում, Ակսել Բակունցի տուն-թանգարանում, Գորիսի պատկերասրահում, տունդարձի ճանապարհին հիացանք հրաշք Նորավանքով: Զրուցեցինք, լսեցինք, սովորեցինք և անցկացրինք գեղեցիկ ճամբարային օրեր՚: Շուտով կհանդիպենք, և մեր ընկերությունն ավելի կամրապնդվի:
Անի Գևորգյան