Անհամբեր գիշերվանից հետո երկար սպասված առավոտ, ճամփորհդություն, նոր ընկերներ: Ինչպես միշտ հավաքվեցինք Սուրբ Երրորդություն եղեղեցու մոտ, տիար Բլեյանը տվեց ճամբարի մեկնարկը, և ճանապարհվեցին դեպի Կուրթան: Ավտոբուսի մեջ ծանոթացանք, տարվեցինք խաղերով և չնկատեցինք էլ, թե ինչպես հասանք Սևան: Լողացինք, վազվզեցինք ավազների վրա. դժվար էր բաժանվել կապուտակ Սևանից, սակայն մեզ սպասում էր ճամբարը:
Հաջորդ կանգառը Մարգահովիտն էր. չքնաղ բնություն, զվարճալի խաղեր և մի փոքր հանգիստ: Շարունակեցինք մեր ճանապարհը և վերջապես համասնք ճամբար: Հեռվից երևացին զինվորական վրանները:
Մեզ դիմավորեց տիար Գևորգը: Ամեն ինչ հաճելի էր, բայց անսովոր. զինվորական վրաններ, անկողին, խոհանոց, սպասք: Իսկ քիչ անց նաև մենք էինք զինվորական համազգեստով:
Արագ տեղավորվեցինք, ծանոթացանք տեղանքին, կանոնններին և գնացինք ընթրելու: Ընթրիքից հետո մեզ էին սպասում աստղերը՝ ընկեր Լևոնի հետ: Իհարկե, հոգնած էինք. շտապեցինք վրաններ` քնելու, առավոտյան վաղ արթնանլու համար:
Հ.գ.: Յուրօրինակ էր նաև իմ ծննդյան տարեդարձը. վրանում և զինվորական:
Հնեվանք ամառային բաց ճամբար, «Տաթևեր» ջոկատ, Աննա Պետրոսյան