Գիտակների ակումբի մի խումբ տղաների հետ վաղուց էինք որոշել խաշ ուտել: Սկզբում որոշված էր այն կազմակերպել Վանուշի հայրենի գյուղում` Հացիկում: Միշտ ինչ-որ բան խանգարում էր: Գյուղ գնալը չստացվեց, բայց խաշն ամեն դեպքում կերանք: Հավաքվեցինք մի փոքր խմբով, որոշեցինք օր ու ժամ և գործի անցնանք: Քանի որ խաշը Կ տառ չի սիրում, ուստի մեր հավաքին կանայք և աղջիկները բացակայում էին: Առավոտյան ժամը վեցին սկսեցինք հավաքվել Ավագ դպրոց վարժարանի ակումբում: Կամաց-կամաց հավաքվեցինք, պատրաստեցինք, իսկ 8-30 արդեն ամեն ինչ պատրաստ էր: Հաճելի է սովորող-ընկերների հետ նստել նման ջերմ միջավայրում, ինչ-որ բան ճաշակել ու խոսել: Այստեղ կարևորը ուտելը չէ` երևույթն է գեղեցիկ: Խոսեցինք ամեն ինչից, սկսած խաշի ու քյալլի առաջացման պատմությունից, վերջացրած դասընթացի կազմակերպումով: Որոշեցինք, որ հաջորդ նման հավաքը լինելու է կովի քյալլա համտեսելու շուրջ: Հետաքրքիր ու բովանդակ առավոտ էր, որից հետո տղաները գնացին քնելու, ես էլ` մնացի աշխատելու: Շնորհակալություն կազմակերպիչ-մասնակիցներին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
