1924թ հունվարի 9-ին Վրաստանի Թբիլիսի քաղաքում ծնվեց 20-րդ դարի խոշորագույն հայ կինոռեժիսոր, Հայաստանի ժողովրդական արտիստ, վառ անհատ Սերգեյ Փարաջանովը:
Ապագա ռեժիսորը սովորել է Թբիլիսիի Կոնսերվատորիայի վոկալ և ջութակի բաժիններում: Հետագայում ընդունվել է Թբիլիսիի երկաթուղային տրանսպորտի ինժեներների ինստիտուտի շինարարական ֆակուլտետը, որտեղ սովորել է ընդամենը կես տարի: Հետագայում աշխատել է Կիևի կինոստուդիայում որպես կինոռեժիսորի օգնական, այնուհետև Հայֆիլմ և Վրաստան-ֆիլմ ստուդիաներում:
Անգնահատելի է Փարաջանովի դերը հայ կինոարվեստի ոլորտում: Նա ամեն անգամ հանդես է եկել ինքնատիպ և նորարարական դրսևորումներով, և իրեն հատուկ գեղարվեստական ոճով: Լեզուն, որով ներկայանում է Փարաջանովը, բնորոշ է միայն իրեն: