Այսօր երեկոյան, բուռն աշխատանքային օրվանից հետո որոշեցինք մի փոքր լիցքաթափվել: Այցելեցինք Հակոբ Պարոնյանի անվան երաժշտական կոմեդիայի թատրոն: Ներկայացման ընթացքում այնքան դրական լիցքեր ստացանք, որ նույնիսկ դրսի փոքր ինչ ամպամած ու անձրևոտ եղանակը մեզ չխանգարեց հանգստանալ: Բարձրաձայն երգելով քայլում էինք Երևանի փողոցներով գրավելով անծանոթների ուշադրությունը: Մեր ոգևորությունն այնքան մեծ էր, որ անցորդների մեջ եղան մարդիկ, ովքեր սկսեցին ձայնակցել մեզ: Օրը շատ հագեցած էր,և վաղը, հեռանալով Երևանից, մեզ հետ կտանենք անթիվ ու անհամար ջերմ հիշողություններ:
Տաթև Հովհաննիսյան, Բազմաղբյուրի միջնակարգ դպրոցի դասավանդող