Հանրակրթական էկոտուրի մրցանակակիրների ճամբար 2015

posted by Մարթա Ասատրյան on Thu, 23/07/2015 - 21:48

«Հանրակրթական Էկոտուր2015» ամենամյա բաց ստուգատեսի մրցանակակիրների էկոլոգիական, հայրենագիտական, ուսումնահետազոտական ճամբարը ՀՀ ԿԳՆ և ՀՀ ԲՆ աջակցությամբ կրթահամալիրը, ըստ հրամանի,2015թ. հուլիսի15-21-ը կազմակերպեց Տավուշի մարզի«Զիկատար» բնապահպանական կենտրոնում:

Ճամբարի մասնակիցներն էին Թբիլիսիի համար 2 և24, Ստեփանակերտի համար 2 և Ֆիզմաթ, Հրազդանի համար1 ավագ դպրոցի, կրթահամալիրի սովորողները:

Ճամբարի ծրագիրը կազմվել է նախապես և հրապարակվել:

Ճամբարի կազմակերպմանը աջակցելու նպատակով նամակներ են ուղարկվել Բնապահպանական կրթական ցանցի անդամներին, ՀՀ Բնապահպանության նախարարությանը, բնապահպանական կազմակերպությունների:

Ճամբարում ուսումնական պարապմունքներ անցկացնելու առաջարկին արձագանքել են`

Ø Խազեր» էկոլոգոմշակութային ՀԿ-ի ղեկավար Ամալյա Համբարձումյանը

Ø Հայաստանի ամերիկյան համալսարանի Յակոբեան բնապահպանական կենտրոնի բնապահպանական կրթության և երիտասարդության ծրագրերի կոորդինատոր Մարինե Ասատրյանը:

Դասերն անցնում էին հետաքրքիր, քննարկումներով, հարց ու պատասխաններով: Երկու մսասնագետներն էլ աշխատանքը կատարում էին սիրով և մեծ պատասխանատվությամբ: Ամալյա Համբարձումյանը կազմակերպեց նաև գործնական պարապմունք անտառում:

Բնապահպանական ճամբարում կազմակերպվել է երեք արշավ`տարբեր բարդությունների`

Ø Քայլք դեպի արհեստական լճակ և շրջապտույտ անտառի ստորին հատվածով (ընդհանուր 2կմ)

Ø Ճանաչողական զբոսանք Զիկատար արգելոցի տարաքում (ընդհանուր 4 կմ)

Ø Վերելք դեպի Զիկատար լեռնագագաթ,հանքային ջրի ակունքի ճանապարհով (վերելքը և վայրեջքը ընդհանուր 6-7 կմ)

Ø Տրանսպորտով երկու անգամ, փոքր խմբերի հետ իջել ենք Կողբ գյուղ, գնացել Կողբի Սուրբ Հովհաննես եկեղեցին, Նոյեմբերյան քաղաք

Կազմակերպվել են իտելեկտուալ խաղեր, վոլեյբոլ, ֆուտբոլ, սպորտլանդիա: Տարածքի և սենյակների խնամքն ու բարեկարգումը կատարվել է ամեն օր:

Կազմակերպվել է մշակույթի երեկո-ճամբարի բացում, որին մասնակիցները պատրաստվել էին համատեղ ելույթներով, միասնական պարերով: Եղել են պարուսուցման ժամեր, ուսուցանվել են «Մշո գյովնդ», «Ռոմանի», «Վերվերի», «Ծաղկաձորի», «Աճարուլի» պարերը:

Հուլիսի 18-19-ը ճամբարում էր կրթահամալիրի տնօրեն Աշոտ Բլեյանը: Նրա մասնակցությամբ կազմակերպվել է ճամբարի բացումը, սովորողների մի խմբի հետ անց է կացվել քննարկում առանց սահմանների:

Հուլիսի 20-21 ճամբարում էր ՀՀ Բնապահպանության փոխնախարար Խաչիկ Հակոբյանը: Փոխնախարարի հետ եղել է հանդիպում խարույկի շուրջ և ճամբարային ամփոփիչ դաս-քննարկում:

Քննարկվել է Էկոտուր 2016-ի կազմակերպումը, թեմաներն ու նախագծերը, որոնք կնեկայացնենք կազմակերպիչների հետ:

Ճամբարի կազմակերպման նախապատրաստական և բուն ճամբարային փուլում էական խնդիրներ չեն առաջացել:

Էկոխմբերը համերաշխ էին,փոխըմբռնող: Լեզվական և ազգային տարբերությունները խնդիրներ չեն առաջացրել:

Կրթահամալիրի սովորողները ներկայանում էին որպես կազմակերպիչ և սիրով աջակցում էին բոլոր հարցերում:

Առաջարկներ Էկոճամբար 2016-ի համար

ամենամյա Ճամբարի կազմակերպման օրը դարձնել ֆիքսված` համաձայնեցնելով ՀՀ բնապահպանության նախարարության և «Զիկատար» բնապահպանականկենտրոնի տնօրինության հետ, որպեսզի վերջին պահին վատ անակնկալներ չլինեն:
Ճամբարականների համար ունենալ միասնական մայկաներ կրթահամալիրի և էկոտուրի լոգոյով։
Հեծանվասպորտի, ձիասպորտի կազմակերպում։
Խմբերի ղեկավարների համար այլ ծրագիր կազմակերպել, իսկ սովորողների համար այլ: Ղեկավարները այդ օրերին լավ կլինի կազմեն համատեղ նախագծեր, աշխատեն միմյանց հետ, հետագա կրթական փոխանակման ծրագրեր մշակեն (քանի որ իրենք իրենց ներկայությամբ մտահոգ «մայրիկի» դեր են տանում, որը խանգարում է):
Ճամբարում լինեն ջոկատավարներ, ցանկալի է երիտասարդ ուսանող-կամավորներ, սա ճամբարի կազմակերպումը էապես կփոխի:
ՀՀ բնապահպանության նախարարության և «Զիկատար» բնապահպանականկենտրոնի տնօրինության հետ համատեղ կազմակերպել հանդիպում-քննարկում կենտրոնի տարածքը շուրջտարյա ճամբարներ կազմակերպելու համար:

Կայքում հրապարակված նյութեր

1. Մի պատառիկ մեր առօրյայից

2. Դեպի Կողբ

3. Զիկատարյան ճամբարի տպավորություններ

4. Շրջակա միջավայրի բարեկարգում Զիկատարի միջազգային ճամբարում

5. Հանրակրթական Էկոտուր 2015-ի ճամբարը Զիկատարում մեկնարկել է

6. Հանդիպում ՀՀ բնապահպանության փոխնախարար Խաչիկ Հակոբյանի հետ

7. Հանդիպում Աշոտ Բլեյանի հետ

8. Մեր կրթական կամուրջներն ավելի ամուր և պտղաբեր կլինեն

9. Զիկատար լեռնագագաթը նվաճված է

10. Զիկատարյան օրագիր

11. Դեպի Զիկատար