Կրթահամալիրի տնօրենի փոստից
Հարգելի Վիկտորյա Բալավաձե
Նորից հաստատում ենք մեր վճռականությունը՝ շարունակելու «Հայ-վրացական հանրակրթական կամուրջները», մեր համագործակցությունը Վրաստանի հանրակրթական հաստատությունների հետ։ «Սեբաստացիներ» հիմնադրամի և արհմիութենական կազմակերպության աջակցությամբ 2015թ. հունվարի 11-14-ը հրավիրում ենք Թբիլիսիի Գլդանի շրջանի ուսուցիչների, սովորողների խմբին Հայաստան, Երևան, «Մխիթար Սեբաստացի» կրթահամալիր։
Մենք նախատեսում ենք հայերեն, անգլերեն, վրացերեն, ռուսերեն ներկայացնել կրթահամալիրիը, կրթահամալիրում իրականացվող ծրագրերի կազմակերպումը, մեր մարզամշակութային կրթական առօրյան: Այցը կունենա նաև մշակությանին բաղկացուցիչ. մեր ուղեկցությամբ կլինեք Երևանի թանգարաններում, կլսեք համերգ, կդիտեք ներկայացումներ: Նախատեսում ենք այցելություն Էջմիածին, Օշական: Ձեր ցանկությունները կընդգրկվեն ծրագրում. Մենք ձեզ կդիմավորենք Հայաստան-Վրաստան սահմանին: Դուք մեր թանկագին հյուրն եք, կհուրընկալվեք կրթահամալիրի հյուրատներում, որոնք ունեն բավարար պայմաններ, օրը երեք անգամ սնունդով։ Խնդրում ենք հոգալ միայն տրանսպորտային ծախսերի մասին և եղեք մարզական: Մենք պատասխան այցով կարող ենք լինել 2015թ. մարտի 23-29 «Սեբաստացիներ» ուսուցչական և պատանեկան երգչախմբերով, համերգային-թատերական ներկայացումներով:
Այդ օրերին նաև կստորագրենք համագործակցության համաձայնագիր «Մխիթար Սեբաստացի» կրթահամալիրի արհեստակցական միության և Գլդանի թաղամասի ազատ առևտրի միության ուսուցիչների և գիտնականների կազմակերպության միջև:
«Մխիթար Սեբաստացի» կրթահամալիրի տնօրեն՝ Աշոտ Բլեյան
«Մխիթար Սեբաստացի» արհեստակցական միության նախագահ՝ Հասմիկ Նալբանդյան
«Սեբաստացիներ» հիմնադրամի տնօրեն՝ Առնոլդ Բլեյան