Արդի ժամանակաշրջանում անցյալի իրականության հետազոտման գործնական եղանակներից է պատմական վերակառուցումը` այս կամ այն պատմական փուլում որևէ տարածաշրջանի նյութական և հոգևոր մշակույթի, ինչպես նաև գործընթացների, իրադարձությունների, տեխնոլոգիաների վերաստեղծումը գրավոր, հնագիտական, ազգագրական և այլ աղբյուրների օգտագործմամբ:
Պատմական վերակառուցումն իր առջև դնում է գիտական նպատակներ և օգտագործում է դերային խաղի մեթոդն ու գիտական փորձարարությունը ուսումնասիրվող հարցի ավելի խորը շերտերը ներթափանցելու համար:
Համոզված, որ պատմական վերակառուցման իրականացումը հետաքրքիր կլինի դեռահասներին և պատանիներին, կնպաստի նրանց պատմական մտածողության զարգացմանը և հայրենիքի անցյալի ու ներկայի գործնական իմացությանը, առաջարկում եմ «Անգեղակոթի ժողով» նախագիծը: Ինչու՞ հենց այդ իրադարձության վերակառուցումը: Պարզաբանեմ` 1. Անգեղակոթի ժողովը`http://www.historyofarmenia.am/am/Encyclopedia_of_armenian_history_Angexakoti_joxov@;18-րդ դարի հայոց պատմության կարևոր իրադարձություններից է; 2. Անգեղակոթը գտնվում է ՀՀ տարածքում; 3. 2014 թվականի ապրիլին լրանում է այդ իրադարձության 315- ամյակը; 4. Այս իրադարձության վերակառուցման ֆինանսական ծախսերը մեծ չեն լինի:
Այս նախագծի ամառային փուլում կուսումնասիրվեն պատմական աղբյուրները և կարող է իրականացվել հայրենագիտական արշավ Անգեղակոթ:
16.07.2013 © Աշոտ Տիգրանյան