Սեմինարը սկսեցինք ընդհանուր պարապմունքով, որի ժամանակ միասին երգեցինք, պարեցինք, կարդացինք: Հետաքրքիր էր նաև ընդհանուր պարապմունքի մանկավարժական քննարկումը: Երգ ու պարով ոգեշնչված` սկսվեց Արթուր Շահնազարյանի երաժշտության ծրագրի քննարկումը, որը վարում էր գեղարվեստի դպրոց-պարտեզի ղեկավար Լիլիթ Բաբայանը: Նախորդ շաբաթ մենք կարդացել էինք ծրագիրը և դպրոց-պարտեզներում մասնակցել երաժշտության կազմակերպմանը: Քննարկեցինք նաև ծեսերի և հանդեսի տարբերությունը:
Քննարկումը ավարտելուց հետո եկավ սպասված պահը`սուրճի ընդմիջումը: Տեխնոլոգիայի դասընթացը վարում է Տաթևիկ Թամազյանը: Նա մեզ հետ քննարկեց պասի խորհրդանիշները, մենք նայեցինք Լուսիկ Ագուլեցու պատրաստած ակլատիզի տեսաֆիլմը: Ներկայացվեց «Զատիկ» նախագիծը, մենք խմբերով պատրաստեցինք Ակլատիզ, «paint» ծրագրով սովորեցինք նկարել:
Մարմնամարզության պարապմունքը վարում էր Դավիթ Ֆահրադյանը, շա~տ լավ էր:
Օրն ամփոփեցինք. հաջորդ շաբաթվա սեմինարի օրակարգն ու անելիքները որոշեցինք: Հաջորդ շաբաթ կրթահամալիրի դպրոց-պարտեզներում մասնակցելու ենք մարմնակրթության պարապմունքներին: