Դպրոց-պարտեզ
Ծատուրյան Ալեքս (6-1 դաս.)
2030 թվականն է: Մի մոլորակ կա, որտեղ միշտ ձյուն է: Այդ մոլորակը շա՜տ հեռու է գտնվում արեգակնային համակարգից: Այնտեղ մի քաղաք կա, որը գունավոր է ու շա՜տ գեղեցիկ, հատկապես Ամանորին: Այդ քաղաքում ապրում է մի ընտանիք, ովքեր ամեն տարի Ամանորին իրենց տան բակում մի մե՜ծ ու գունավոր դոնդող են պատրաստում: Այդ մոլորակում այդպիսին է սովորույթը`տոնածառին փոխարինելու է եկել դոնդողը: Մարդիկ այն ոչ թե տանն են դնում, այլ բակում և ինչքան հնարավոր է մեծ:
Այս մոլորակում անց է կացվում Ֆուտբոլի աշխարհի առաջնություն: Բոլորի բակերում դոնդողները ֆուտբոլի գնդակի տեսք ունեն: Պատկերացնու՞մ եք, գունավոր քաղաքում ամեն քայլափոխի հանդիպում ես մե՜ծ ու գունավոր գնդակների: Երբ մոտենում է ժամը12:00-ը, բոլորը դուրս են գալիս իրենց տներից, ողջ քաղաքում միանում է երաժշտությունը և բոլորն սկսում են պարել, երգել, ուրախանալ, ապա շնորհավորում են միմյանց ու համտեսում դոնդողե գնդակներից:
Ահա իմ պատկերացրած արտասովոր Ամանորը, այն էլ 2030 թվականին:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
