Ֆրանսերենից թարգմանեց Հարությունյան Էլեոնորը, 8.5 դաս.
Մի փոքրիկ քաղաքում ապրում էր մի աղքատ ընտանիք: Ընտանիքում կար յոթ երեխա: Նոր տարվա նախօրեին հայրիկը անտառում տեսավ մի գեղեցիկ եղևնի:
«Ի~նչ գեղեցիկ եղևնի է»,-մտածեց աղքատ ընտանիքի հայրը և եղևնին տարավ տուն:
Երեխաները տեսնելով եղևին` ուրախացան ու ցանկացան զարդարել այն, բայց … խաղալիքներ չունեին: Հայրիկը նույնպես տխրեց, ու եղևնին դրեց տանիքում: Այնտեղ շատ սարդեր կային: Գիշերը սարդերը բարձրացան եղևնու վրա` թողնելով մոխրագույն մետաքսե երկար թելեր: Առավոտյան, երբ հայրիկը բարձրացավ վերև, տեսավ, որ եղևնին կեղտոտ է : Հայրիկը զայրացավ, այդ պահին ներս մտավ մի փոքրիկ փերի և ասաց.
-Մի' զայրացիր, ես կօգնեմ քեզ:
Փերին իր կախարդական փայտիկով հարվածեց եղևնուն, ու կեղտոտ թելերը փոխվեցին ոսկեգույն ու արծաթագույն փայլերի:
Հայրիկը երջանիկ էր, նա տոնածառը տարավ երեխաների սենյակ: Երեխաները ուրախությունից սկսեցին թռչկոտել` երգելով և պարելով տոնածառի շուրջ:
Աղբյուր` «Bon voyage 2», ֆրանսերենի դասագիրք
Խմբագիր` Նունե Մովսիսյան