Այսօր մեր կրթահամալիրի տարբեր դպրոցներում տեղի ունեցան լողավազանների բացման արարողությունները: Մենք էլ որոշեցինք գնալ Գեղարվեստի դպրոց: Արդեն ժամը 12-ին բոլոր երեխաները հագել էին իրենց լողազգեստները և ահամբերությամբ սպասում էին, թե երբ են լողալու: Սկզբում երեխաները պարեցին ու երգեցին, իսկ հետո էլ սկսեցին ջրով խաղալ ու լողանալ: Չնայած նրան, որ ջուրը սառն էր, երեխաները բոլորովին էլ չէին ուզում լողավազանից դուրս գալ: Այնքան ուրախ և ոգևորված էին լողանոում, որ նույնիսկ մենք էլ ցանկացանք լողալ: Ափսոս, որ լողազգեստ չունեինք: Մի խոսքով, ուրախ տրամադրությունը նաև փոխանցվել էր Գեղարվեստի դպրոցին: Օրն իրոք հիանալի էր: