Արդեն երեք շաբաթ է, ինչ մենք՝ «Էկո-մրցույթի» հաղթողներս, գնում ենք անգլերենի պարապմունքների, որը դասավանդում է ընկեր Արևիկը: Մենք հարստացնում ենք մեր անգլերենի բառապաշարը, անում ենք թարգմանություններ էկոլոգիայի մասին, ինչպես նաև ամրապնդում և կրկնում ենք մեր անցածը: Աշխատում ենք երկու խմբով, քանի որ գիտելիքները հավասար չեն, և հուսով ենք, որ մինչև մրցույթ մեր անգլերենի գիտելիքները կհավասարվեն:
Վերջերս Վրաստանից մեզ ուղարկեցին Երիտասարդ էկոլոգների միջազգային մրցաշարի հարցերը, որը ավելի համակարգեց մեր աշխատանքները:
Դասերը շատ հետաքրքիր են ու արդյունավետ, և մենք պարտաճանաչ կերպով հաճախում ենք, հասկանալով, որ Վրաստանում ներկայացնելու ենք Հայաստանը: