Դպրոց-պարտեզ
Լրագրող` Բաղդասարյան Սոնա
Ղեկ.` Քրիստինե Շահբազյան
Փետրվարի 19-ը Սուրբ Սարգսի տոնն է: Ս. Սարգիս զորավարը երիտասարդների արագահասբարեխոսն է: Նրա միջնորդությամբ հրաշքներ են տեղի ունենում: Այդ օրը երիտասարդներն աղոթում են Սրբին, որ իրենց աղոթքները հասցնի Աստծուն: Զորավարի տոնը Հայաստանում ընդունված է նշել ոչ միայն եկեղեցական ծեսով, աղոթքով, այլև ժողովրդական սովորույթներով:
Ըստ ժողովրդական սովորույթի` Ս.Սարգսի տոնին նախորդող գիշերը երիտասարդներն աղի բլիթ են ուտում, որի հետ կապում են իրենց հարսնացուի կամ փեսացուի երազում հայտնվելը: Այդօրվա հետաքրքիր սովորույթներից է փոխինդով մատուցարանը դնել տան տանիքին կամ պատշգամբին և սպասել Ս.Սարգիս զորավարի ձիու պայտի հետքին: Ըստ ավանդույթի` Ս. Սարգիսը պետք է հրեշտակների ուղեկցությամբ անցնի և ում մատուցարանի մեջ դրված ալյուրի կամ փոխինդի մեջ թողնի իր սպիտակ ձիու պայտի հետքը, այդ տարի կիրականանա երիտասարդի երազանքները: Իսկ սպիտակ ձիու պայտը խորհրդանշում է մաքրություն, անաղարտություն: