Մարի Մելիքյան
10-4 դասարան
Մենք բոլորս էլ գիտենք, որ Հայաստանում շատ են ռաբիզ սիրողները: Ցավոք սրտի, հայերի կեսը տարված է այդ անմակարդակ երաժշտությունով: Իսկ ի՞նչ է ռաբիզը: Դա մի երևույթ է, որի մեջ մտնում է ոչ միայն համապատասխան երաժշտությունը, այլ նաև ռաբիզ ճաշակը, ռաբիզ պահելաձևը, առհասարակ, դա ընդհանուր բնույթ ունի: Եթե որոշ մարդկանց կարծիքով ռոքը կամ ռեփը մարդուն տանում են որևէ միջավայր՝ լինի դրական, թե բացասական, ապա ռաբիզը ոչնչի էլ չի տանում, իսկ դրաան կողմեր, իմ կարծիքով, չունի: Ռաբիզը կարելի է անվանել նաև անմակարդակություն, անճաշակություն, տգիտություն, ինչպես չէի անվանի այլ ոճի երաժշտությունները: Իմ վերաբերմունքը ռաբիզի նկատմամբ շատ բացասական է: Ինչպե՞ս կարելի է ռաբիզ երաժշտության տակ հանգստանալ, երբ այն նույնիսկ մեկ րոպե լսելուց շատերի մոտ առաջանում է սրտխառնոց: Ռաբիզ ամեն տեղ էլ կա: Ուղղակի մենք ենք, որ մտածում ենք, թե ռաբիզ միայն Հայաստանում կա: Ո՛չ, այն կա ամբողջ աշխարհում, նայած թե որ երկրում ինչպես է արտահայտված, երաժշտության ձևով, թե՞ճաշակի: Չնայած այդ ամենին, շատ մարդիկ, ովքեր ռաբիզ չեն սիրում, երբեմն իրենք էլ են ռաբիզ ձևով իրենց պահում: Ախր մենք ապրում ենք այնպիսի երկրում, որտեղ բնակչության մեծմասնությունը ռաբիզ է: Այո՛, դա տհաճ է, բայց դե փաստը միշտ էլ մնում է փաստ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
