Միջին դպրոց
Շամիրամ Պողոսյան
Այսօր միջին դպրոցի մեծ սրահում կայացած հերթական քննարկման նյութը վերաբերում էր նոթբուքերով ստեղծված դասարանի ուսումնական գործընթացին:
Քննարկմանը մասնակցում էին տիար Բլեյանը, տիկին Մարիետը, 83 նոթբուքերով դասարանին դասավանդող ուսուցիչներն և աշակերտները: Քննարկվեց,թե որքանո՞վ է նպաստավոր , արդյունավետ ուսուցման նման միջոցը, ի՞նչ դրական և բացասական կողմեր ունի, նեթբուքերն արդյո՞ք համապատասխանում են ուսումնական ծրագրի իրականացմանը: Իրենց տեսակետներն արտահայտեցին աշակերտներն և ուսուցիչները: Աշակերտների մտավախությունը կապված էր իրենց տեսողության և իրական աշխարհից կտրվելու վտանգի հետ: Սակայն , իրենք էլ փարատելով իրենց մտավախությունը, գտան հարցի լուծման տարբերակներ: Այնուամենայնիվ, բոլորը միաձայն եկան այն եզրահանգման, որ նեթբուքերը հնարավորություն են ընձեռում աշակերտներին ավելի գրավիչ դարձնելու ուսումնական գործընթացը , նրանք ավելի հաճույքով են պատրաստվում դասերին, նպաստում է նրանց առաջադիմության բարձրացմանը, ի վերջո լայն հնարավորություններ են ստեղծվում տեղեկատվական դաշտն ընդլայնելու համար:
Նեթբուքերով դասարաններ ստեղծելու գործընթացը շարունակական է և գտնվում է իրականացման փուլում: