«Մխիթար Սեբաստացի» կրթահամալիրի տնօրենի թափուր պաշտոնի մրցույթ

Երևանի «Մխիթար Սեբաստացի» կրթահամալիր» ՊՈԱԿ-ի կառավարման խորհուրդը հայտարարում է բաց մրցույթ «Մխիթար Սեբաստացի» կրթահամալիր պետական ոչ առևտրային կազմակերպության տնօրենի պաշտոնը զբաղեցնելու համար:

Փորձարարական-հետազոտական միավորում կրթահամալիրի տնօրենի թեկնածուին ներկայացվող պահանջները.

• ՀՀ քաղաքացիություն,
• բարձրագույն կրթություն,
• գիտամանկավարժական աշխատանքի առնվազն 5 տարվա փորձ,
• վերջին 3 տարվա ընթացքում կրթության կազմակերպման և մանկավարժական խնդիրների մասին հրապարակումներ,
• կրթահամալիրում իրականացվող պետական այլընտրանքային՝ կրթահամալիրի մանկավարժական աշխատողների կողմից մշակվող, ներդրվող, տարածվող հեղինակային մանկավարժության ծրագրերի, կրթահամալիրի զարգացման ծրագրերի հիմնադրույթների իմացություն:

Մրցույթին մասնակցելու համար անհրաժեշտ փաստաթղթերը.

• դիմում կրթահամալիրի խորհրդի նախագահի անունով,
• ՀՀ քաղաքացու անձնագրի պատճենը,
• բարձրագույն կրթության դիպլոմի պատճենը,
• ինքնակենսագրություն,
• հրապարակումների ցանկը, գիտական կոչումը հաստատող փաստաթուղթը (դրա առկայության դեպքում).
• կրթահամալիրի զարգացման ծրագիր:

Փաստաթղթերի պատճենները պետք է ներկայացնել բնօրինակների հետ:
Փաստաթղթերն ընդունվում են 2021թվականի հունվարի 13-ից մինչև 2021թ․ փետրվարի 12-ը ներառյալ, ամեն օր`բացի շաբաթ և կիրակի օրերից: Փաստաթղթերի ընդունումը կանցկացվի ըստ կարգի:
Մրցույթը տեղի կունենա 2021թ. փետրվարի 23-ին, ժամը 16:00-ին, Երևանի «Մխիթար Սեբաստացի» կրթահամալիրում,  հասցե՝  ՀՀ  ք. Երևան, Րաֆֆու 57 հեռ.՝ 010-74-72-46:

Տնօրենի ընտրության կարգ (հաստատված է կրթահամալիրի խորհրդի 17․12․2020թ․ նիստում)։