Այսօր օգոստոսի 21-ն է, օրը` կիրակի:
Մեդիա կենտրոնում էին հավաքվել 17 ուսուցիչ հանրապետության տարբեր մարզերից` մասնակցելու նորվեգական ԷՌՕԴԾ հերթական հանրապետական սեմինարին:Սեմինարին մասնակցում էր նաև Մոսկվայից հրավիրված <Սոցիալ-էկոլոգիական միություն> ՀԿ-ի կոորդինատոր, Ռուսաստանի և ԱՊՀ երկրների էկոլոգիական ամսագրերի համակարգողԱլեքսանդր Ֆեոդորովը:
Նախ կրթահամալիրի մասնակից ուսուցիչներս` Առաքելյան Գայանեն և Հասմիկ Նալբանդյանը, սիրով խմբին ներկայացրեցինք մեր Մեդիա կենտրոնը, կրթահամալիրը, արված աշխատանքները և հետագա ծրագրերը: Սեմինարի մասնակիցներին ներկայացրեցինք <Նոթբուքն ինձ դասընկեր> ծրագիրը, բաժանեցինք տեղեկատվական թերթիկներ:
Օրակարգում տարեկան գործունեության ամփոփումն էր և հետագա խնդիրների քննարկումը:ԷՌՕԴԾ ՀՀ համակարգող Հրանտ Սարգսյանը և ուսուցիչները առանձին-առանձին ներկայացրեցին կատարված աշխատանքները, խնդիրները, արվեցին առաջարկներ:
Հանրապետության որոշ դպրոցներում ԷՌՕԴԾ-ն դասավանվում է որպես առանձին առարկա:
Հրանտ Սարգսյանը նշեց, քանի որ մեր կրթահամալիրը դառնալու է էկոլոգ-ուսուցիչների վերապատրաստման կենտրոն, ապա ճիշտ կլինի, որ միջին դպրոցում ԷՌՕԴԾ-ն դասավանդվի նույն կերպ` մտնելով դասացուցակ:
Սեպտեմբերի 1-ից կհայտարարվի ԷՌՕԴԾ ամենամյա միջազգային մրցույթի կարգը: