Աշխարհահռչակ System of a Down ռոք խմբի մենակատար հայազգի Սերժ Թանկյանն իր աջակցությունն է ցուցաբերել«Ոսկրածուծի դոնորների հայկական ռեեստր» բարեգործական հիմնադրամին:Այն իրենից ներկայացնում է 30 վայրկյան տևողությամբ տեսահոլովակ,որը տեղադրված է «Ոսկրածուծի դոնորների հայկական ռեեստր
ի
» կայքում (www.abmdr.am), սակայն շուտով կտեղադրվի նաեւ YouTube-ում եւ այլուր:
Երեկ Երևանի «Մոսկվայի տանը» ես` որպես «Մխիթար Սեբաստացի» կրթահամալիրի տնօրեն, հրավիրված էի մասնակցելու Սերժ Թանկյանի հետ հանդիպմանը: Հանդիպումից տպավորված եմ: Լավ կլիներ,որ հանդիպման մասնակից Շուշան Բլեյանը mskh.am-ի այցելուներին ներկայացներ մանրամասներ մեր հանդիպումից: Դահլիճի նախասրահում «Ոսկրածուծի դոնորներ հայկական ռեեստր» բարեգործական հիմնադրամի աշքատողների սիրալիր ջանքերով ես կարողացա համոզվել Սերժ Թանկյանի բարեգործական ակցիայի իրականության մեջ:Ուզում եմ հավատալ, որ տեղում, ընդամենը 30 վայրկյանում ես փրկեցի մեկի կյանքը` դառնալով դոնոր: Այդ զգացողությունն ինձ չի լքում: Ինչու մեր Մեդիակենտրոնում ևս չկազմակերպել նման ակցիա և մեր ուսուցիչներին, ծնողներին և այլ կամավորների ևս դարձնել ակցիայի մասնակից և հնարավորություն տալ փրկել մեկի կյանքը` դառնալով դոնոր:
Սպասում եմ արձագանքների:
Սիրով`«Ոսկրածուծի դոնորների հայկական ռեեստր» բարեգործական հիմնադրամի դոնոր` Աշոտ Բլեյան