Հերթը մեզ էլ հասավ: Այսօր «նոթբուքն ինձ դասընկեր» ծրագրի «Դասարան անիվների վրա» նախագծով ճանապարհ է ընկել ավագ դպրոցը: Առավոտյան հավաքվեցինք դպրոցում, այստեղ վերցրինք մեզ անհրաժեշտ netbook-ները, բուկլետներն ու կրթահամալիրի դրոշներն և շարժվեցինք դեպի Սևան: Ճանապարհը, ինչպես միշտ, անցնում է շատ ուրախ. խմբի մի մասը փորձում է քնել, մյուս մասը զրուցում է, իսկ մյուս մասը կիթառ է նվագում ու երգում: Մեր ճանապարհի մասին դեռ այսքանը, սպասեք նորությունների ավագ դպրոցի սովորողներից: