«Ուզում եմ կիսվել մեծ ուրախությամբ։ Ռուսաց լեզվի ուսուցիչների լաբորատորիայի մեր բլոգը երեկ անցավ «Կրթական մեդիա» անվանակարգի եզրափակիչ փուլը։ Փառատոնը կրում է հետևյալ խորագիրը՝ «Արտասահմանում լուսաց լեզվի և մշակույթի զարգացումը արվեստի, լրատվության և մանկավարժական տեխնոլոգիաների ոլորտներում» ստեղծագործական նախաձեռնությունների միջազգային փառատոն։
Փառատոնը կազմակերպել է STEP կրթական ինովացիոն կենտրոնը (Մոսկվա)՝ Ռուսաստանի Դաշնության կրթության նախարարության աջակցությամբ։
Եզրափակիչը տեղի կունենա նոյեմբերի 19-ին Անթալիայում, որտեղ իրենց նախագծերը կներկայացնեն տարբեր երկրներից (ԱՊՀ, Ասիա, Մերձավոր Արևելք, Աֆրիկա և Ամերիկա) 30 արդեն եզրափակիչ փուլ անցած մասնակիցներ։ Կմասնակցեմ հեռակա կարգով։
Փորձագիտական մասնագիտական հանրության կողմից ընտրվել է Լաբորատորիայի բլոգը՝ որպես օտար երկրներում ռուսաց լեզվին աջակցելու հետաքրքիր պրակտիկա, որը արժանի է ծրագրի շրջանակում տեղեկատվական աջակցության և լուսաբանման:
Փառատոնին Հայաստանից ներկայացել է 27 նախագիծ։ Եզրափակիչ փուլ անցել է 2 նախագիծ՝ Ստեփանավանի «Ռյաբինուշկի» ռուսական երգչախումբը և Երևանի «Մխիթար Սեբաստացի» համալիրի ռուսաց լեզվի ուսուցիչների լաբորատորիայի բլոգը։
Բոլորիս մաղթում եմ շարունակական հաջողություններ։ Մենք, ինչպես Մխիթար Սեբաստացին, ում անունը կրում է մեր կրթահամալիրը, ներկայացնում ենք մեր հեղինակային մանկավարժությունը, այդ թվում՝ հայրենիքից հեռու, բաց ենք, պատրաստ ենք համագործակցության»,-գրում է Ժաննա Հակոբյանը։
