Հեղինակային կրթական ծրագրի դասավանդողների կամավոր ատեստավորում

Հարգելի գործընկեր, կարող եք հայտ նեկայացնել հեղինակային կրթական ծրագրով դասավանդողների կամավոր ատեստավորմանը մասնակցելու համար։ 

Կամավոր ատեստավորմանը մասնակցելու համար դասավանդողը.

Քայլ 1․ Բլոգում հրապարակում է վերջին երեք տարվա իր մանկավարժական գործունեության մասին տեղեկությունների փաթեթը․

1․ Մշակումներ

• Ուսումնական պլան
• Դասընթացի ծրագիր
• Սովորողի ընտրությամբ գործունեության ծրագիր
• Կարգեր, այլ փաստաթղթեր

2․Կազմակերպում

• Ճամփորդություն
• Ճամբար
• Ցուցահանդես
• Ստուգատես
• Հանդիպում
• Ֆլեշմոբ
• Համերգ
• Մրցաշար

3․ Իրականացված նախագծեր

• Կրթահամալիրի ուսումնական օրացույցով որոշված
• Հեղինակային
• Համագործակցային, այդ թվում՝ կրթահամալիրից դուրս

4․ Մանկավարժական-մեթոդական աշխատանք

• Հոդված
• Թարգմանություն
• Ուսումնական նյութ՝ մեդագրադարանում ընդգրկված
• Սովորողի հետազոտական աշխատանք

5․ Վերապատրաստումներ

• Որպես վերապատրաստող
• Որպես վերապատրաստվող
• Մանկավարժական հավաքներ

Քայլ 2․ Լրացնում է մասնակցության հայտը։

Քայլ 3․ Հայտը լրացնելուց հետո 10 աշխատանքային օրվա ընթացքում կազմակերպում է իր մանկավարժական գործունեության հանրային ներկայացումը։

Հանձնաժողովը ծանոթանում է հայտատուի ներկայացրած փաթեթին, մասնակցում մանկավարժական գործունեության հանրային ներկայացմանը, ապա տասը աշխատանքային օրվա ընթացքում հրապարակում է իր որոշումը։

Հեղինակային կրթական ծրագիր իրականացնող ուսուցիչների կամավոր ատեստավորման, կամավոր ատեստավորման արդյունքով ուսուցչի դրույքաչափի և դրան հատկացվող հավելավճարի տրամադրման կարգը մշակվել, քննարկվել է հեղինակային մանկավարժության լաբորատորիայում, հաստատվել է կրթահամալիրի մասնաժողովում։

Կամավոր ատեստավորման կազմակերպման կարգը՝ այստեղ։