Համերգ հարավարևմտյան ֆիլհարմոնիկում՝ Իմ ուրիշ երկինք

2019թ. հունվարից «Մխիթար Սեբաստացի» կրթահամալիրում գործում է Երևանի հարավարևմտյան ֆիլհարմոնիկը՝ հյուրընկալելով հանրապետության և արտերկրի տաղանդաշատ անհատ և վոկալ-գործիքային խմբերի, դասավանդողների, սովորողների խմբերի:

Սեպտեմբերի 28-ին համերգային այցով «Մխիթար Սեբաստացի» կրթահամալիրի «Սեբաստիա» համերգասրահը կհյուրընկալի  ՀԱՖՆ Նոր կամերատա անսամբլը:

Անսամբլը հիմնադրվել է 2008-ին՝ փոքր նվագախմբի անդամներից, որոնք մասնակցել էին Աբերդինի երիտասարդական նվագախմբերի փառատոնին (2008): Մասնակիցները հիմնականում Հայաստանի Ազգային Ֆիլհարմոնիկ Նվագախմբի երաժիշտներ են:

• Հովհաննես Պապիկյան, անգլիական եղջերափող
• Արթուր Մարտիրոսյան, հարվածային գործիքներ;
• Թերեզա Նաչարյան, ջութակ
• Աննա Մարգարյան, ջութակ
• Իվետա Կորկինա, ջութակ
• Գոռ Հովհաննիսյան, ալտ
• Արմինե Պետրոսյան, թավջութակ:

Անսամբլի նվագացանկը բազմազան է և բազմաժանր՝ բաղկացած դասական կամերային, ժամանակակից հայ, եվրոպական և ամերիկյան հեղինակների ստեղծագործություններից:

Համերգի խորագիրը՝ Ինձ համար չկա ուրիշ երկինք, քան իմ ժողովրդի ազատ հոգին (Կոմիտաս)

Ծրագրում`

• Կոմիտաս-Ասլամազյան-«Վաղարշապատի պարը»
• Ռոլֆ Ստրավեր, Լարային Քառյակ Մերձբալթյան ժողովրդական երգերի թեմաներով, պրեմիերա
• Գոռ Հովհաննիսյան, Կվարտետ անգլիական եղջրափողի, ջութակի, ալտի և թավջութակի համար. պրեմիերա
• Արթուր Միտինյան («Այաս» ռոք խմբի գեղարվեստական ղեկավար), Էտյուդ «Դաժան բախտ» ալբոմից

Մասնակիցներ՝ սովորողներ, դասավանդողներ, ծնողներ, հյուրեր:
Պատասխանատուներ՝ դպրոցների ղեկավարներ, երաժշտության դասավանդողներ:
Աջակից՝ կրթահամալիրի արհեստակցական կազմակերպություն:
Ցուցապաստառի ձևավորումը՝ Կարինե Մացակյանի:
Հյուրասիրության պատասխանատու՝ Վիկտորիա Հակոբյան:
Լուսաբանման պատասխանատուներ՝ Սեբաստացի TV` Արմինե Թոփչյան, Սմբատ Պետրոսյան, դպրոցական լրատվամիջոցներ: