Հարգելի բարեկամ, ապրիլի 20-ին, ժամը՝ 15.15, կրթահամալիրի Մարմարյա սրահում (Բաբաջանյան 25) աննախադեպ համերգ է:
Կրթահամալիրում նվագելու է Հայաստանի պետական կամերային նվագախումբը:
Ծրագրում կհնչեն համաշխարհային և հայ դասականների ստեղծագործություններ`
Համերգին մասնակցում են նաև կրթահամալիրի երաժշտության դպրոցի դասավանդողներ Լիլիթ Գրիգորյանը (ջութակ), Լիլիթ Առաքելյանը (դաշնամուր):
2019թ. հունվարից «Մխիթար Սեբաստացի» կրթահամալիրում գործում է Երևանի հարավարևմտյան ֆիլհարմոնիկը՝ հյուրընկալելով հանրապետության և արտերկրի տաղանդաշատ անհատ և վոկալ-գործիքային խմբերի, դասավանդողների, սովորողների խմբերի: Ինչպես նշում է կրթահամալիրի հիմնադիր տնօրեն Աշոտ Բլեյանը՝ Հարավարևմտյան ֆիլհարմոնիկը հանրային ճաշակի ձևավորման խթան է:
Հայաստանի պետական կամերային նվագախումբը հիմնվել է 1962 թ. ականավոր ջութակահար Զարեհ Սահակյանցի նախաձեռնությամբ և ղեկավարությամբ: Շնորհիվ իր վառ անհատականության և հեղինակության` Զարեհ Սահակյանցը կարողացավ իր շուրջ համախմբել մի խումբ նվիրյալ երաժիշտների և կարճ ժամանակում նվագախումբը ձեռք բերել մեծ համբավ Հայաստանում և երկրի սահմաններից դուրս:
2011 թվականից ցայսօր նվագախմբի գեղարվեստական ղեկավար և գլխավոր դիրիժորն է Վահան Մարտիրոսյանը: Մաեստրո Վահան Մարտիրոսյանի տարատեսակ ներդրումներից առանձնանում է «Ճանապարհ տաղանդներին» նախագծի նախաձեռնումը, ինչի շնորհիվ բազում երաժիշտներ հնարավորություն ստացան հանդես գալ ՀՊԿՆ-ի հետ և ձեռք բերել բեմական փորձ:
Ցուցապաստառի ձևավորումը՝ Կարինե Մացակյանի:
Ավելին՝ երաժշտության ուսումնական կենտրոնի բլոգում: