Բարև, իմ սիրելի ընթերցողներ, «Պարտեզ» էջը համալրել է մի նոր բաժին, որը կոչվում է «Դաստիարակի օրագիր»: Այնտեղ կզետեղվեն սաների արտահայտած սրամիտ, հետաքրքիր, հումորային մտքերը, որոնք կորսա դաստիարակը և կնկարագրի իր բլոգում ։ Ամբողջականը՝ ամսագրում․
Հարգելի՛ ծնողներ, կարող եք ներկայացնել նաև ձեր երեխաների զավեշտալի պատումները ։
Դաստիարակ` Արմինե Խաչատրյան
Այսօր Նարեկի ծննդյան օրն էր: Նարեկը ներքևում էր, երեխաներին ասացի.
-Եկեք անակնկալ անենք Նարեկին, հենց մտնի խումբ , տարեդարձի երգը երգենք :
Հենց Նարեկը երևաց, Արեգը գոռաց.
-Նարե՜կ , Նարե՜կ ,գիտե ՞ս՝ քեզ անալիզ ենք անելու։
Դաստիարակ`Աննա Հայրոյան
Այսօր Ձմեռ պապը եկել էր, որպեսզի երեխաները Ձմեռ պապիկից խնդրեին իրենց նվերները: Իհարկե, նպատակս մեկն էր` չխոսող երեխաներին ոգևորել: 2-5 տարեկան Ինան Ձմեռ պապին ասաց.
-Ես աղջիկ եմ:
Ձմեռ պապն էլ ժպտաց և ասաց.
-Շատ սիրուն աղջիկ ես:
Ինան էլ մռութները կիտեց և ասաց.
-Ընկե’ր Աննա, չասեց , որ ես էլ Ձյունանուշն եմ:
Դաստիարակ` Նելի Արղության
Դե մի շաբաթ է՝ Արևելյան դպրոցի նոր բացված նախակրթարանի խմբում եմ լինում ,բայց ընթացքում չեմ կարողանում կտրվել իմ սիրելի խմբից.անընդհատ մտնում-դուրս եմ գալիս։
Հանրահայտ Արեգը մատով կանչում է ինձ.
-Նելի՜, Նելի՜, արի՛ մի հատ:
Մոտենում եմ. խորհրդավոր, կիսա ջղային ու խորամանկ հայացքով հարցադրում է.
-ՄԻ հատ դու ինձ ասա՛՝ էսքան ուր ես գնում-գալիս, հը՞…
Դեմքիս հա՛մ զարմանք, հա՛մ ծիծաղ պատած՝ փորձում եմ չգիտես ինչու արդարանալ. կարծես ամուսինս, սկեսրայրս կամ հայրս են զայրացած հարց տալիս: Ես փորձում եմ խոսել, ու գալիս է հաջորդ հարցը կամ պատասխանը.
-Չէ՛, դու ինձ ասա՛, ես կհասկանամ։
Ի՞նչ է մնում անել՝ լռել և ենթարկվել ։ էնպես, որ զգոն եղեք ձեր քայլերում:
Դաստիարակ`Սաթեն Գևորգյան
Լուսանկարը՝ Նունե Խաչիկօղլյանի