Հոկտեմբերի 19-ին կրթահամալիրի հյուրն է ՀՀ մարդու իրավունքների պաշտպան Արման Թաթոյանը: Այցի նպատակն է կրթահամալիրում հեղինակային կրթական ծրագրով ստեղծված հանրային բաց համակարգին, ամբողջական ներառականության կազմակերպմանը ծանոթանալը, երեխաների իրավունքների պաշտպանության՝ առավելապես անվտանգ, անարգել տեղաշարժման իրավունքի և դրա խախտումների խնդրի վերհանումն ու քննարկումը:
Ժամը 10:00 կհանդիպենք Բանգլադեշի Սուրբ երրորդություն եկեղեցու մոտ: Միասին քայլքով կանցնենք կրթական Բանգլադեշի տարածքով, կշրջենք Բանգլադեշի կրթական պարտեզով՝ Հյուսիսային դպրոց-Քոլեջ-կրթական կասկադ-Արևելյան դպրոց-Սարալանջ-Բաբաջանյան փողոցի վերնանցումով դեպի Արևմտյան դպրոց, Ագարակ:
Շրջայցի ավարտին՝ ժամը 12:00, ագարակում տեղի կունենա մամուլի ասուլիս՝ կրթահամալիրի տարատարիք լրագրողների մասնակցությամբ: Ասուլիսի ընթացքում կքննարկվեն բարձրացված հարցի մանրամասները՝ որպես այցի ամփոփում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
