Հաշվետվություն
Խումբը, որի ջոկատավարն էի, ընտրել էր հյուսիսային դպրոցը՝ գեղարվեստը: Նրանց հետքրքրությունները կերպավեստի, թատրոնի շուրջ էին:
Խմբում 9 սովորող Երևան քաղաքի այլ դպրոցներից էին, 6-ը մեր կրթահամալիրից:
Մեր սովորողներից մի քանիսը խմբում էին միայն առաջին օրը, ենթադրում եմ, որ նրանք այնուհետև եղել են մյուս խմբերում:
Հենց առաջին օրվանից նորեկներին հետաքրքրեց, զարմացրեց կրթահամալիրը: Սովորող Նազելի Տեր-Պետրոսյանի բլոգուսուցումը, կամ տիար Բլեյանի անմիջական հանդիպումը նրանց հետ, դասավանդողների հարգալիր-սիրալիր-ժպտուն ընդունելությունը արդեն երրորդ զրույցի թեմա էր: Արտահայտվում էին դրական, ուրախ, որ այսպիսի միջավայրում են:
Գեղարվեստի դպրոցը, արվեստանոցներն ու արվեստագետները, թատրոնն ու հմայիչ ղեկավարը գրավեցին, իրենց մեջ առան, և անգամ 40 և ավելի բարձր ջերմաստիճանը չխոչընդոտեց նրանց ամենօրյա կանոնավոր հաճախումները:
Երրորդ օրը աշխատանքների շարունակության, ամփոփման օրն էր: Առավոտյան ներկայացրի ուսումնական պլանները, ծրագրերը, պատասխանեցի իրենց հետաքրքրող հարցերին: Մեզ միացան երաժիշտներ, վոկալիստներ Նելլի Փիլոյանն ու Անի Նավասարդյանը: Մեկ էլ ներխուժեց գեղեցկուհի Ջուլին՝ ԿԱԶԱ հայ-վրացական նախագծային խմբով: Միասնական երգեր երգեցինք, կատակեցինք, ծիծաղեցինք: Արվեստագետներ Կարեն Մկրտչյանը, Գագիկ Չարչյանը և Քնարիկ Ներսիսյանը խնամքով, սիրալիր երեք օր աշխատեցին պատանիների հետ: Քնարիկ Ներսիսյանը ներկայացրել է տեսահոլովակ:
Հաճելի էր աշխատել նման խմբի հետ, իսկ, այ, գործընկերներս ամենաիսկական սեբաստացիներ են ու լավ մարդիկ:
Արդյունքները դեռևս ամբողջական չեն, մասնակիցները ամբողջացնում են, ուղարկում: