Այսօր` հունիսի 1-ին,երեխաների պաշտպանության օրը, մեր կրթահամալիրում տեղի ունեցավ մի մեծ տոնախմբություն: Ժամը 10.00-ին Մայր դպրոցում սկսվեց երգի տոն, որն անվանեցինք «Անտիվիրուս Կոմիտաս. 5 պատվաստ»: Տոնի կայացմանը մեզ աջակցում էր կոմիտասագետ Արթուր Շահնազարյանը:
Կրթահամալիր էին ժամանել բազմաթիվ հյուրեր տարբեր հեռուստաընկերություններից և կազմակերպություններից: Տոնախմբությունը սկսվեց մեր կրթահամալիրի հիմնով, ի դեպ դրա գործիքավորումը կատարվել է Արթուր Շահնազարյանի կողմից: Հետո տիար Բլեյանը ներկայացրեց օրվա ծրագիրը: Այնուհետև սկսվեց Կոմիտասյան պատվաստը: Բոլոր երեխաները մեծ ոգևորությամբ կատարեցին տարբեր երգեր և պարեցին: Իսկ վերջում էլ բոլորն ուրախ տրամադրությամբ վերադարձան իրենց ճամբարները` մի քիչ հանգստանալու:
Առջևում դեռ ունենք մարզահամալիրի տոնակատարություն, հեծանվավազք…