ՀՐԱՄԱՆ
18․08․2017թ.
Կրթահամալիրի դպրոցներում գործող լրացուցիչ կրթության լողափային ճամբարների զարգացման, 2017-2018 ուսումնական տարվա շուրջտարյա բաց ճամբարի կազմակերպման համար օգոստոսի 21-ից դպրոցների ջոկատների գործունեությունը միավորել միասնական ճամբարում։ Այդ նպատակով.
- ճամբարի ղեկավար (ուսումնական բաց ճամբար նախագծի համակարգող) նշանակել Սոնա Փափազյանին․
- հաստատել ճամբարի կառուցվածքը, դպրոցների ղեկավարների ներկայացմամբ՝ ջոկատների ղեկավարներին.
- Արևելյան դպրոց-պարտեզի ջոկատ՝ Մերի Գրիգորյանին.
- Արևմտյան դպրոց-պարտեզի ջոկատ՝ Սաթեն Օրդյանին.
- Հյուսիսային դպրոց-պարտեզի ջոկատ՝ Քրիստինե Շահբազյանին.
- Հարավային դպրոց-պարտեզի ջոկատ՝ Լուսինե Նազարյանին․
- Ճամբարի ղեկավարին՝ մինչև օգոստոսի 19-ը ճամբարի բլոգում հրապարակել ճամբարի բովանդակությունը, աշխատակարգը՝ լիակատար օգտագործելով կրթահամալիրի ուսումնական կենտրոնների հնարավորութունները, օրվա ռեժիմում պարտադիր համարելով ագարակում՝ կենդանիների խնամքի, դպրոցերում՝ պարտիզապուրակային գործունեության, լողուսուցման, հեծանվավարության, մեդիահմտությունների զարգացման, ուրախ անգլերենի, տեխնոլոգիաական, ընթերցանության բաղադրիչները.
- Դպրոցների ղեկավարներին՝ ապահովել ջոկատների ինքնավարությունը, պատասխանատվությունը սահմանված կարգով՝ սաների ընդունելության, օրվա ռեժիմով անվտանգ գործունեության համար.
- Ճամբարի, ջոկատների ղեկավարներին՝ ապահովել ճամբարի ամենօրյա լուսաբանումը ճամբարի բոլոր մասնակիցների միջոցով՝ ճամբարի բլոգում, դպրոցների ենթակայքերում, ճամբարական սովորողների հաշվառումը։
Կրթահամալիրի տնօրեն` Ա. Բլեյան
