«Համակարգիչ բոլորի համար» միջոցառումը դուրս է եկել ՏՏ ոլորտի խթանման 2011 թ. ծրագրից: Էկոնոմիկայի նախարարության առաջարկով այդ ծրագրի փոխարեն նախատեսվել է մեկ այլ` «Ինթել եւ Սիսկո ընկերությունների հետ համատեղ ծրագրերի իրականացում» միջոցառումը: Հիշեցնենք, որ «Համակարգիչ բոլորի համար» ծրագիրն իրականացվում է HP ընկերության հետ համատեղ:
Ինթել ընկերության հետ ստորագրված հուշագրով նախատեսվում է իրականացնել այնպիսի համատեղ ծրագրեր, ինչպիսիք են «Համակարգիչ ուսուցիչների համար», ուսուցիչների վերապատրաստում, «Classmate PC», կրթական այլ ծրագրեր:
Սիսկո ընկերության հետ ստորագրված հուշագրի շրջանակում Հայաստանը կհամագործակցի ընկերության հետ «Հաջորդ սերնդի ցանցի զարգացում», «Մարդկային ռեսուրսների զարգացում», «Cisco ձեռնարկատիրության ինստիտուտ», «Cisco Լուծման կենտրոն» նախագծերի իրականացման ուղղությամբ:
Նշված ծրագրերի իրականացման նախապայմաններից մեկը ՀՀ կառավարության կողմից համաֆինանսավորման ապահովումն է: Այդ նպատակով 2011 թ. նախատեսվում է ծախսել 10 մլն դրամ (մոտ 27 հազ. դոլար):
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
