Ես Տաթևիկն եմ «Հայ կրթություն» կրթահամալիրից:
Ամսի 13-ն էր, երբ տիկին Նոննան զանգահարեց մայրիկիս և տեղեկացրեց Օձունում կազմակերպվող ճամբարի մասին: Ես, լսելով դա, շատ ուրախացա և միանգամից համաձայնեցի գնալ:
Ես առաջին անգամ եմ ճամփորդում սեբաստացիների հետ, քանի որ նրանց դպրոցից չեմ, սակայն մեծ տպավորություններ ունեմ: Սեբաստացիների հետ հաճելի է շփվելը, նրանք շատ ակտիվ են, նաև հետաքրքրասեր: Մենք այցելել ենք Քոբայրի վանական համալիր, Ծաղկեվանք, Սբ.Աստվածածին եկեղեցական համալիր, Օձի պորտ և Հովհանավանք: Սբ.Աստվածածին եկեղեցում ծանոթացանք Տեր Վրթանեսի հետ, ով մեզ ներկայացրեց շրջակայքը, եկեղեցու կառուցվածքը, պատմությունը:
Ես շատ հավանեցի Օձունը, նրա բնությունը և մարդկանց:
Այսուհետ մեծ հաճույքով կմասնակցեմ դպրոցի կազմակերպած ճամբարներին:
Նյութի հեղինակ՝ Մելիքսեթյան Տաթևիկ, «Հայ կրթություն» կրթահամալիր, 10-րդ դասարան: