Բարև Ձեզ, մենք հիմա կպատմենք, թե ինչպես անցավ ապրիլի 14-ը «Մխիթար Սեբաստացի» կրթահամալիրում: Ինչպես գիտեք, մեր դպրոցում ամեն առավոտ ժամերգություն ենք անցկացնում, բայց այսօր այն հետաձգվեց: 8.3 դասարանում առաջին ժամը հայոց լեզու էր, մենք միասին հարցեր մշակեցինք, որոնք տալու էինք վրացի ընկերներին: Դասից հետո դպրոցի երեխաների հետ միասին իջանք մարմարյա սրահ: Սկսեցինք պարել և ուրախանալ: Ուշացումով մարմարյա սրահ մտան մեր վրացի ընկերները, և մենք սկսեցինք մեր ուրախ տրամադրությունը կիսել նրանց հետ: Ժամերգությունից հետո վրացի ընկերների հետ շրջեցինք քաղաքում, պատմեցինք Երևանի պատմությունը: Այնուհետև գնացինք խամաճիկների թատրոն, որտեղ նայեցինք «Արքայադուստրը սիսեռի վրա» ներկայացումը: Մեզ ներկայացումը շատ դուր եկավ, հուսով եմ` հյուրերին նույնպես: Այդպես եմ ասում, որովհետև մեր հյուրերը հայերեն չէին հասկանում: Տեսնելով, որ շատ ենք սովածացել, տիար Բլեյանը մեզ փքաբլիթներ հյուրասիրեց: Ժամը երկուսին դպրոց վերադարձանք: Դպրոցում նայեցինք գեղարվեստի դպրոցի սովորողների պատրաստած ներկայացումը, վրացիները շատ տպավորված էին: Ներկայացման ավարտից հետո, գրադարանում մամլո ասուլիս տեղի ունեցավ, այնուհետև շարունակեցինք ուրախանալ, որովհետև սկսվեց վրացական և հայկական պարերի ցուցադրություն-մրցույթ: Ահա այսպես անցավ մեր հագեցած օրը վրացի ընկերների հետ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
