Զատկական Մեդիաուրբաթ

Ավագ ուրբաթ

• Ավագ ուրբաթը Հիսուս Քրիստոսի չարչարանաց, խաչելության, մահվան ու թաղման հիշատակության օրն է: Այդ օրը տեղի է ունենում Խաչելության կարգ: Երեկոյան ժամերգությունից հետո նախատոնակի արարողության ընթացքում կատարվում է Թաղման կարգ, երբ Հիսուս Քրիստոսի խորհրդանշական գերեզմանը՝ պատրաստված ծաղիկներից եւ ծառի ճյուղերից պտտում են եկեղեցու շուրջ՝ ի տես հավատավոր ժողովրդի:

Զատիկ բառի խորհուրդը

• Զատիկ կամ Հիսուս Քրիստոսի հրաշափառ Հարության տոն - ‎ նշանակում է անցում, զատում, բաժանում, հեռացում:Քրիստոնյա եկեղեցիների, այդ թվում նաև Հայ Առաքելական Եկեղեցու հնագույն և գլխավոր տոնը, հինգ տաղավար տոներից մեկը։ Զատիկը շարժական տոն է, այսինքն յուրաքանչյուր տարի նրա նշման օրը փոխվում է։ Հայ առաքելական եկեղեցին այն նշում է գարնան գիշերհավասարին հաջորդող լուսնի լրման առաջին կիրակի օրը, որն ընկնում է մարտի 22-ից հետո մինչև ապրիլի 26-ը (35 օր) ժամանակահատվածի վրա։

Զատկի երգերը

• «Բարի լույսի զանգեր զարկին»
• «Կարկաչա»
• «Սուրբ Կարապետա Օրհնութենով»
• «Զարկ բոլոճիկ»
• «Օր պար, ճոր պար»
• «Զատկին լավաշ թխեցինք»
• «Չիք-չիք աղամ»
• «Կլոր զատիկ»

Զատկի ավանդություններ և զրույցներ

Տարին երեք անգամ

Մհերի քարի դուռը կբացվի.

Մեկ անգամ՝ Զատկին,

Մեկ անգամ՝ Վարդևորին,

Մեկ անգամ ՝ Համբարձման գիշեր:

Քար որ կբացվի,

Մհեր դուրս կէլնի,

Մեկ ժամ կէրթա, մեկ ժամ կդառնա:

Մեկ ժամին քառսուն օրվա ճամփա կերթա,

Քառսուն օր վեր քարերուն կէրթա,

Ինչ հողի վրեն ընկնի, ձին կըխընդկի

      Էդ վախտ Մհեր ախ կքաշի, կդառնա:

Զատկի առածանի

• Փիս մարդը Զատկին էլ փիս կլինի:
• Գժի համար ամեն օր Զատիկ է:

Զատկի հանելուկներ

• Հանելուկ-հանմանելուկ