Բնագիտատեխնիկական ստուգատեսը իր ողջ հմայքով հասավ նաև Վանաձոր: Այսօր ժամը՝ 16:00-ին, Վանաձորը ներկայացնող խմբերը ժամանեցին Բանգլադեշ՝ Սուրբ Երրորդություն եկեղեցու բակ: Հյուրերի հետ մանրամասն ծանոթացանք Գեղարվեստի դպրոցում կազմակերպված ճաշի ժամանակ: Պարզվեց, որ խմբերի պատասխանատուների ղեկավարները առաջին անգամը չէ, որ կրթահամալիրում են և հասցրել են այստեղ ընկերներ ձեռք բերել:
Քիչ անց մեզ միացան նաև Շուշիի «Խաչատուր Աբովյանի» անվան դպրոցի մասնակիցները, ու միասին շարժվեցինք մայր դպրոց: Մայր դպրոցում՝ բնագիտության լաբորատորիայում, մեզ էին սպասում մնացած մասնակիցները, որտեղ մեր Վանաձորի հյուրերին անակնկալ էր սպասում, նրանց դիմավորեցին հին ծանոթները Սպիտակ քաղաքից:
Քանի որ ստուգատեսի ընթացքը համընկավ նաև բանակի օրվա հետ, ուստի այսօրվա երևանյան զբոսանքը սկսեցինք Եռաբլուր այցելությամբ: Հետո մեր ուրախ ավտոբուսը ուղղություն վերցրեց դեպի Հանրապետության Հրապարակ: Մոտ կես ժամ Երևանի կենտրոնում զբոսնելուց հետո մեզ անակնալ մատուցեց նաև երևանյան եղանակը, հունվար ամսին տեղացող անձրև ամեն տարի չի, որ կհանդիպի: Մեզ այլ բան չէր մնում, քան շտապ վերադառնալ դեպի կացարան:
Կացարանում հյուրերին տեղավորելուց հետո ես ու Գնելը արագ շտապեցինք դեպի տուն, քանի որ հունվարի 29-ինի ծրագիրը բավականին պատասխանատու ու հագեցած է սպասվում:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
