ՈՒՍՈՒՄՆԱԿԱՆ ՊԼԱՆ
Հաստատված է կրթահամալիրի խորհրդի 2010թ. ապրիլի 27-ի նիստում
Ուսումնական դասընթացներ
|
Շաբաթական ժամաքանակ
|
VII
|
VIII
|
IX
|
Հայոց լեզու
|
3
|
3
|
3
|
Գրականություն
|
2
|
2
|
2
|
Ռուսաց լեզու
|
2
|
2
|
2
|
Անգլերեն
|
3
|
3
|
3
|
Հանրահաշիվ
|
2
|
2
|
2
|
Երկրաչափություն
|
2
|
2
|
2
|
Ֆիզիկա
|
2
|
2
|
2
|
Քիմիա
|
1
|
1
|
1
|
Կենսաբանություն և էկոլոգիա
|
2
|
2
|
1
|
Պատմություն
|
2
|
2
|
2
|
Աշխարհագրություն
|
1
|
1
|
1
|
Հասարակագիտություն
|
-
|
1
|
2
|
Արվեստ
|
1
|
1
|
1
|
Երաժշտություն
|
1
|
1
|
1
|
Տեխնոլոգիա
|
2
|
2
|
2
|
Մեդիատեխնոլոգիաներ
|
1
|
1
|
1
|
Ֆիզիկական կրթություն և անվտ. կենս.
|
3
|
3
|
3
|
Սովորողի ընտրած գործունեություն
|
4
|
4
|
4
|
Ընդամենը
|
34
|
35
|
35
|
Լրացուցիչ կրթություն
|
3
|
3
|
3
|
Ուսումնական պլանի պարզաբանումներ
- Ուսումնական պլանը «Սովորողի նախասիրության զարգացման և մասնագիտական կողմնորոշման հիմնական կրթություն» ուսուցողական ծրագրի հավելվածն է:
- Ուսումնական տարին սկսվում է օգոստոսի 27-ին: Ուսումնական տարվա ընթացքում տրվում են արձակուրդներ ԿԳ նախարարության սահմանած ժամանակացույցի համաձայն: 7-8-րդ դասարանցիների համար ուսումնական տարին ավարտվում է հունիսի 18-ին:
- Ուսումնական տարին բաժանվում է կիսամյակների:
- Ուսումնական շաբաթը 6-օրյա է: Շաբաթ օրերը հատկացվում են հայրենագիտական ճամփորդությունները, ակումբային գործունեությունը, ուսումնական-հասարակական նախագծերը, լրացուցիչ կրթության պարապմունքները, ուսումնական ստուգատեսները կազմակերպելուն:
- Ուսումնական օրը սկսվում է ուսուցողական ծրագրի 15 րոպե տևողությամբ առավոտյան ընդհանուր պարապմունքով` սահմանված կարգով և ծրագրով: Կրթահամալիրի տարեկան օրացույցով որոշված ծեսերի և տոների կազմակերպումն ու դրանց մասնակցությունը պարտադիր ուսումնական աշխատանք է:
- Ուսուցումը կազմակերպվում է տանը և դպրոցում ուսուցողական թվային միջոցների կիրառմամբ: Սովորողը տանն ունի համացանցին միացած համակարգիչ: Ծրագիրը դպրոցում ապահովում է համացանցից, համակարգչից, էլեկտրոնային գրատախտակից, ձայնագրիչից, ֆոտոխցիկից անարգել և անընդհատ օգտվելու հնարավորություն:
- 7-9-րդ դասարաններ ընդունվում են համապատասխան դասարանների սովորողները, ում ծնողներն ընտրում են կրթահամալիրում իրականացվող մանկավարժությունը և սահմանված կարգով կնքում են պայմանագիր ուսումնառության մասին:
- Դասարանում սովորողների միջին խտությունը 22-26 է: Ծրագրի ղեկավարի ներկայացմամբ կրթահամալիրի տնօրենը կարող է թույլատրել պակաս խտություն ունեցող դասարանների գործունեությունը` ծրագրի ոչ բյուջետային միջոցների ներգրավմամբ:
- Ըստ սովորողների ընտրած գործունեության սահմանված կարգով կարող են գործել խորացված ուսուցման դասարաններ:
- Սովորողը հանրակրթական դասընթացների և իր ընտրությամբ գործունեության ժամանակ գործնականում կիրառում է օտար լեզուներ, ՏՀՏ: Տնային առաջադրանքներ տրվում և ստուգվում են նաև էլեկտրոնային եղանակով:
- Հայոց լեզու առարկան ներառում է գործնական քերականություն, գրաբար և խոսքի մշակույթ:
- «Ֆիզիկա», «Քիմիա» առարկաների ուսուցումը կազմակերպվում է 2 խմբով լաբորատորիաներում` փորձի հիման վրա, ՏՀՏ օգտագործմամբ:
- «Տեխնոլոգիա» առարկան կազմված է «Տնային տնտեսվարություն», «Բույսերի և կենդանիների խնամք», «Դիզայն», «Առողջագիտություն», «Մաշկի և մազերի խնամք», «Մեդիատպագրություն» դասընթացներից, կազմակերպվում է գործնական աշխատանքի ձևով, փոքրաքանակ խմբերով:
- «Մեդիատեխնոլոգիաներ» առարկան ուղղված է թվային տեխնիկական միջոցների և դրանց սպասարկող համակարգչային ծրագրերի յուրացմանը:
- «Արվեստ» առարկան ընդգրկում է կինոդիտում, թատրոն, թանգարաններ և վիրտուալ ցուցադրություններ, ծեսի և տոնի կազմակերպում:
- Սովորողները և դասավանդողները պարտադիր ինքնասպասարկման աշխատանքներին` հիգիենիկ պահանջների պահպանում, ուսումնական տարածքի և գույքի խնամք, մասնակցում են սահմանված կարգով: Այդ աշխատանքները ուսումնական ծանրաբեռնվածության մաս չեն կազմում:
- Խրախուսվում է սովորողի ուսումնական գործունեության ինքնահսկման և ինքնաստուգման ձևերի կիրառումը:
- Կիրառվում են գնահատման տարբեր ձևեր, որոնք բերվում են 10 միավորանոց համակարգի: Գնահատման հիմքում դրվում են սովորողի անհատապես և խմբով կատարած աշխատանքների թղթապանակը (այդ թվում` ինքնաստուգումների, ընթացիկ և կիսամյակային ամփոփիչ ստուգումների, հեռավար առաջադրանքների կատարում, հետազոտական-ստեղծագործական աշխատանք, ուսումնական կայքի աշխատանք, ուսումնա-հասարակական նախագծեր, ուսումնական ճամփորդություններ, հայրենագիտական արշավներ, նախասիրությունների զարգացման ստուգատեսներին, օլիմպիադաներին մասնակցություն), ամսական հաշվետվությունները: Առանձին դասընթացների համար դրանց ծրագրերով նախատեսված կարգով գործում են գնահատման այլ ձևեր:
- Ուսումնական գործընթացի արդյունքում սովորողի ստեղծած մեդիանյութերը սահմանված կարգով տեղադրվում են կրթահամալիրի կայքում, հեռարձակվում, ընդգրկվում ժողովածուներում, հրատարակվում առանձին: Սովորողի ստեղծած այլ տեսակի արդյունքները ներկայացվում են ցուցադրություններում, ցուցահանդեսներում, հաշվետու հավաքներում:
- 9-րդ դասարանի վերջում սովորողները հանձնում են ավարտական քննություններ` ԿԳ նախարարության սահմանած կարգով:
- Դեկտեմբերին` 7-9-րդ, հունիսին` 7-8-րդ դասարանի սովորողների ուսումնական գործունեությունը սահմանված կարգով կազմակերպվում է ստեղծագործական-հետազոտական ճամբարների ձևով: Ուսումնական տարվա ընթացքում ըստ սահմանված կարգի և ժամանակացույցի կազմակերպվում են սովորողների նախասիրությունների զարգացման ստուգատեսները:
- «Ֆիզկուլտուրա» առարկան սովորողի ընտրած մարզաձևն է. սովորողը մասնակցում է թիմային պարապմունքներին շաբաթական երկու անգամ` 60 րոպեով:
- 7-9-րդ դասարաններում սովորողը 4-ական ժամ սահմանված կարգով իր ընտրությամբ գործունեություն է իրականացնում կրթահամալիրի ուսումնական կենտրոններում` մաթեմատիկա և ծրագրավորում, ֆիզիկա և տեխնիկական ստեղծագործություն, կինո-ֆոտո և լրագրություն, անգլերեն, ռուսերեն և թարգմանչություն, հայրենագիտություն և էքսկուրսավարություն, իրավագիտական և հասարակական գործ, կենդանաբանություն-բուսաբուծություն, կերպարվեստ, դիզայն և մոդելավորում, երաժշտություն և պար, տեխնոլոգիա և դիզայն, մարզական: Գործունեության դասընթացները կազմակերպվում են 12-15 հոգիանոց խմբերով: Ավելի փոքրաքանակ խումբ կարող է գործել տնօրենի թույլտվությամբ, ոչ բյուջետային միջոցների ներգրավմամբ:
- Լրացուցիչ կրթության դասընթացների` օտար լեզվի (անգլերեն, ռուսերեն, ֆրանսերեն, գերմաներեն, իսպաներեն), մաթեմատիկայի, տեխնիկական ստեղծագործության, ֆիզիկայի, քիմիայի, աստղագիտության, էկոլոգիայի, կինո-ֆոտոգործի, համակարգչային գրաֆիկայի, համակարգչային կիրառական ծրագրերի, էլեկտրոնային գրատախտակի, դաշնամուրի, ազգային նվագարանի, վոկալի, պարի, կերպարվեստի, քանդակի, խեցեգործության, կարուձևի, կարպետ-գոբելենի, փայտամշակում-մետաղամշակման, ծաղիկների և բույսերի մշակում-ձևավորման, խոհարարության, շախմատի, լողի, մարզաձևի (ֆուտբոլ, բասկետբոլ, ձեռքի գնդակ, վոլեյբոլ, սեղանի թենիս, մարմնամարզություն, թեթև ատլետիկա) կազմակերպման համար սովորողի ծնողի հետ կնքվում է լրացուցիչ պայմանագիր` որպես ուսումնառության պայմանագրի հավելված:
- Կրթահամալիրի կայքին հետևելը և կայքի աշխատանքին մասնակցելը սովորողի պարտադիր ուսումնական աշխատանք է:
- Սահմանված կարգով իրականացվող ուսումնական ճամփորդությունները դասընթացների բաղկացուցիչն են:
- Սովորողները սահմանված կարգով ներգավվում են շրջապատի կամ նյութական միջավայրի բարելավմանն ուղղված նախագծերի իրականացմանը:
- Ուսումնական պլանի և ուսումնական ծրագրերի կատարողականն արտացոլվում է ուսուցողական ծրագրի ղեկավարի, ուսումնական կենտրոնների ղեկավարների կիսամյակային, դասավանդողների և սովորողների ամսական, սահմանված կարգով ներկայացվող ամսական էլեկտրոնային հաշվետվություններում:
- Ուսումնական պլանի պարզաբանումներում նշված կարգերում փոփոխությունները ուսուցողական ծրագրի ղեկավարի ներկայացմամբ հաստատում է կրթահամալիրի տնօրենը: