Սկսելով մեր փորձառության 2-րդ փուլը ՄՍԿՀ-ում՝ մենք բաժանվեցինք խմբերի, ստացանք հանձնարարություններև առանց ժամանակ կորցնելու սկսեցինք աշխատել: Այս անգամ նույնպես երաժշտության խմբում ենք: Քանի որ կրթահամալիրում շուտով կոմիտասյան օրեր են, մենք էլ միացանք սովորողներին, սկսեցինք ավելի մանրամասն ուսումնասիրել վարդապետի կյանքը, ունկնդրել նրա ստեղծագործությունները:
Մեզ հանձնարարված էր գտնել Կոմիտասի մեներգերը, դրանց կատարումները:
Կոմիտասի ստեղծագործական ժառանգության մեջ մեներգերը կարևոր տեղ են գրավում: Դրանք մշտապես եղել են Կոմիտասի ուշադրության կենտրոնում: Հիմքում բուն ժողովրդական մեղեդիներն են:
«Հայ ժողովրդական երգերը դաշնակելուց առաջ պետք է քաջ հմուտ լինել հայ ժողովրդի պատմական, բնական և ազգային պայմաններին, եղանակի կազմությանը, ոգուն, ոճին, բառերի իմաստին, մեր ժողովրդական տաղաչափության, ժողովրդի երգեցողության ու արտասանության հանգամանքներին և էլի մի շարք այլ բաների, ապա ձեռնարկել դաշնակելու և հրատարակելու, հակառակ դեպքում միշտ թերի կողմ կմնա»: Կոմիտաս
Ըստ թեմատիկ առանձնահատկությունների`մեներգերի շարքում կան քնարական, աշխատանքային, պանդխտության և այլ երգեր։
Արփինե Անդրեասյան, Տաթև Խաչատրյան
ՀՊՄՀ, Գեղարվեստական կրթության ֆակուլտետ, Մշակութաբանություն բաժին