Այսօր դասավանդողների օգոստոսյան դպրոցի երրորդ օրն էր: Այս անգամվա «դպրոցը» փոքր ինչ տարբերվում էր նախորդներից: Հետաքրքիր մոտեցում էր , երբ տարբեր մասնագիտությունների տեր մարդիկ լինում են մեկ խմբում և աշխատում են մեկ ընդհանուր նախագծի շուրջ: Արդեն երրորդ օրն է, ինչ աշխատում ենք «Խոհանոց լաբորատորիան դպրոցում» նախագծի շուրջ: Սկզբում բաժանվեցինք խմբերի և արդեն այսօր յուրաքանչյուր խմբի անդամ իր հետ բերել էր իր անելիքների «մեծ» շարքը: Պետք է խոստովանեմ, որ խմբի յուրաքանչյուր անդամ իր անելիքը ներկայացրեց մեծ ոգևորությամբ, յուրաքանչյուրի մտահղացումը նախագծի վերաբերյալ յուրօրինակ, հետաքրքիր և օգտակար էր:Քննարկումների ժամանակ ծնվեցին նոր մտահաղացումներ, որոնք կարծում եմ օգտակար էին, թե նախագծի համար և թե ուսումնական առումով առհասարակ... Վաղը կներկայացնենք արդեն իսկ պատրաստի նախագիծը:
Ահա այսպիսին էր մեր այս անգամվա ամառային դպրոցը` ուրախ, թեթև, արդյունավետ և օգտակար շատ առումներով: