Հարգելի կրթահամալիրցիներ՝ ուսուցիչներ և 2-18 տարեկան սովորողներ, հաշվի առնելով, որ ձեզանից շատերն ամառն անցակցանում են Հայաստանի սահմաններից դուրս, առաջարկում եմ «Հայրենագիտությունն առանց սահմանների» նախագիծը: Նախագծի նպատակն է Հայաստանի սահմաններից դուրս պարզել, հայտնաբերել, ուսումնասիրել և գրել «հայրենի փոքրիկ անկյունների» մասին, այսինքն` ձեր հանգստացած կամ հանգրվանած վայրերում կլինեն հայկական գյուղեր, եկեղեցիներ, մշակութային կոթողներ, թեկուզ հենց հայ մարդիկ, ընտանիքներ, իսկ այդպիսք հաստատ կան...
Ուրեմն ստեղծեք և հրապարակեք նրանց մասին՝
Այս նախագծի շրջանակում է´լ ավելի կընդլայնվեն մեր փոքրիկ Հայաստանի սահմանները:
Հ.Գ. Ի դեպ Անապայի մոտակայքում կա հայկական գյուղ, որը կոչվում է Հայկաձոր: Կառուցվում է եկեղեցի։ Բոլորը այնտեղ (ռուսներ, կազակներ, հրեաներ, հույներ, ուկրաինացիներ և այլք) խոսում են հայերեն: Այս գյուղի մասին ինձ պատմեց մեր տեմրյուկցի ծանոթներից մեկը: Հենց այդ զրույցի պահին էլ առաջացավ այս նախագիծն իրականացնելու մտահղացումը: Անհամբեր սպասում եմ, թե երբ եմ գնալու այդ գյուղ…
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
