Բնագետներով հավաքվեցինք Մայր դպրոցի բնագիտության լաբորատորիայում և սկսեցինք հերթական սեմինարը: Սեմինարի պատասխանատուն ես էի՝ Հասմիկ Նալբանդյանս: Քննարկեցինք սեմինարների կազմակերպման կարգը, ներկայացվեց հաջորդ սեմինարների պատասխանատուներին և քննարկվող թեմաները:
Իսկ այսօրվա թեմաներն էին.
- մայիսյան 8-րդ հավաքի նախապատրաստական աշխատանքների մասին
- առաջին կիսամյակում վերաքննությունների հանձնման ընթացքի մասին
- 3-րդ միջազգային Էկոտուրը որպես ուսումնահետազոտական նախագիծ, նախապատրաստական աշխատանքները
1.Սեմինարի յուրաքանչյուր մասնակից ներկայացրեց մայիսյան հավաքին ներկայացվելիք թեմաները.
- Ջանազյան Իվետա- 1.Դասավանդողի բլոգ; 2.Բնագիտական լաբորատոր-կաբինետ
- Ասատրյան Մարթա- 1.Թանգարանները որպես ոչ ֆորմալ կրթության կենտրոն, 2.Կլոր սեղան Մեծամոր արգելոց- թանգարանում թանգարանների միջազգային օրը և մայիսյան հավաքի փակման օրը
- Մեժլումյան Անահիտ- Ֆիզքիմիական գործոնների ազդեցությունը տարբեր բույսերի ծլման և աճման վրա
- Եղյան Անահիտ-Միջառարկայական կապը բուսաբուծության և բնագիտության միջև
- Ասատրայն Անուշ-Արտաքին գործոնների ազդեցությունը բույսերի ծնունակության վրա
- Ագջոյան Էմանուել-Էկոլոգիական կրթություն: Արդիականությունն ու իրականացումը
- Սահակյան Սուսաննա, Խառատյան Վեներա- 1.Սովորողների անհատական հետազոտական աշխատանքները քիմիայի դասընթացի գործընթացում; 2.Միջառարկայական կապ՝ Մաթեմատիկան քիմիայում
- Ղազարյան Արմինե-1.Աստղագիտությունը կրտսեր դպրոցում; 2.Կլոր սեղան Մեծամոր արգելոց-թանգարանում
- Արամյան Լևոն-1. Բաց դաս աստղագիտությունից: 2.Կլոր սեղանՄեծամոր արգելոց-թանգարանում
- Նալբանդյան Հասմիկ –1.Բնագետիկ ակումբը որպես ուսումնահետազոտական ոլորտ; 2.Անդրադարձ Էկոտուր նախագծին
Որոշ մասնակիցներ դեռ կճշտեն մայիսյան հավաքին ներկայացվելիք թեմաները:
2. Առաջին կիսամյակում վերաքննությունների հանձնման ընթացքի մասին եղան տարբեր կարծիքներ:
Առաջարկվեց 2-ից շատ անբավարար գնահատական ունեցող սովորողների հետ ավագ և միջին դպրոցներում լուծել պայմանագիրը:
3.Ներկայացվեց 3-րդ միջազգային Էկոտուրի նախապատրաստական աշխատանքները:
