Imagine there's no countries
It isn't hard to do
Nothing to kill or die for
And no religion too
Imagine all the people living life in peace... /Jhon Lennon/
Այսօր իսկական երաժշտասերները պետք է լսեն բոլոր ժամանակների և ժողովուրդների ամենասիրված երաժշտական խմբի Yesterday, Yellow Submarine, Let IT Be կամ ուրիշ կատարումները: 2001-ից ի վեր, ՅՈՒՆԵՍԿՕ-ի որոշմամբ, հունվարի 16-ը նշվում է որպես The Beatles-ի համաշխարհային օր:
1957-ի հունվարի 16-ին Լիվերպուլում բացվել է The Cavern ակումբը, որտեղ փառքի իրենց ճանապարհն են սկսել այն ժամանակ անհայտ երիտասարդ երաժիշտներ Ջոն Լենոնը, Փոլ Մաքարթնին և Ջորջ Հարիսոնը: Մի քանի տարի անց նրանց միացել է ևս մեկ ապագա «բիթլ»՝ Ռինգո Սթարը:
1964-ի հունվարի 16-ին Cashbox ամսագիրը I Want To Hold Your Hand երգին շնորհել է առաջին տեղն ամերիկյան հիթ-շքերթում:
Հիշյալ կազմով The Beatles-ն աշխատել է 8 տարի: Այդ ժամանակում նրանք պաշտոնապես 13 ալբոմ են թողարկել, որոնցից յուրաքանչյուրի ամեն երգն իսկական հիթ է դարձել:
Խումբը համաշխարհային հռչակ է ձեռք բերել 1963-ին Please Please Me սինգլի թողարկումից հետո:
Խումբը մեծ ազդեցություն է ունեցել համաշխարհային երաժշտության զարգացման վրա: Շատ հայտնի կոմպոզիտորներ և կատարողներ նրանցից օրինակ են վերցրել: Նրանք առաջին անգամ որոշ նորարարական մշակումներ են օգտագործել ձայնագրման և տեսահոլովակների նկարահանման ոլորտում:
Ներկայումս The Beatles-ն առաջին տեղում է Rolling Stone ամսագրի վարկածով բոլոր ժամանակների մեծագույն կատարողների շարքում:
Աղբյուրը` 1in.am-ի