• Հայերեն
  • English
  • Français
  • Georgian
  • Русский
  • Español
  • Deutsch
  • فارسی
  • Türkçe
  • Italiano

Ուսումնական պարապմունքից ուշացման, բացակայության մասին

Հարգելի գործընկերներ՝ դասավանդողներ, կրթահամալիրի դպրոցների 5-12-րդ դասարանի սովորողներ, ծնողներ, խնդրում ենք անդրադառնալ կրթահամալիրի ներքին կարգապահական կանոնների 9.14, 9.18 և 9.19 կետերին, կրթահամալիրի տնօրենի՝ 22.03.2012թ. N 12-065 հրամանին, սովորողի բացակայության գրանցման կարգին, մարդու իրավունքների, ազատությունների և արժանապատվության մասին իրավական դրույթներին և այս էջի «Կարծիքներ» բաժնում գրանցեք ուսումնական պարապմունքներից ուշացումների-բացակայությունների, սովորողի կողմից իր պարտականությունների կատարման և նրա իրավունքների և արժանապատվության խնդիրների վերաբերյալ ձեր նկատառումները։ Առցանց քննարկումը կիրակի օրը՝ դեկտեմբերի 2-ին՝ ժամը 19.00-20.00, կվարեն կրթահամալիրի դպրոցների, քոլեջի ղեկավարները։ 

AttachmentSize
PDF icon iravakan.pdf133.38 KB

Կարծիք

Իսկ Ձեր աղջիկն ի՞նչ կարծիք ունի:

Սրբուհի ջան, այդպես են գործում բոլոր կրտսեր դպրոցները և դա իրեն արդարացնում է: Սակայն միջին և ավագ դրոցներում դա փոքր-ինչ դժվար է կազմակերպել` արնվազն պեքտ է փակենք բոլոր դռները կամ նշանակենք դռնապահ-պահակներ, որը դեմ է մեր կրթական ծրագրին: Սնվելու խնդիրը ոչ միայն սովորողինն է, այլ դասավանդողինը: Հարցը, ամեն դեպքում, տանում է փակուղի: Դատելով այն բանից, որ ուշանում են միշտ նույն սովորողները, կարծում եմ, որ դա արդեն ձևավորված և կայացած անպարտաճանաչ բնավորություն է և ինչ ձևով էլ այս հարցին լուծում գտնենք, միևնույն է, նրանք պատճառ կգտնեն ուշանալու….

Լուսինե ջան, դա ոչ մի դպրոցում էլ չի գործում: Ուշացումներ կան բոլոր դպրոցներում, և դա չի կապվում տարածքից դուրս գալու հետ: Ուշացումների արմատները շատ ավելի խորն են:

Բարի երեկո: Դասամիջոցների տևողություն երկարացնելը խնդրի լուծում չէ: Ուշացողը, միևնույնն է, նորից ուշանալու է: Համաձայն եմ գործընկերներիս հետ, որ սա դառնում է սովորություն: Պետք է ուսուցչի, ծնողի անձնական օրինակը և անհոգնել աշխատանքի կազմակերպումը յուրաքանչյուրի հետ:

Վահրամ ջան, ինչ լինում է թող կրթահամալիրի իրավաբանին լինի... հեչ չմտածես

Սուրեն ջան, ես էլ մեկ-մեկ ասում ջհանդամ, բայց թե սիրում եմ քո տեսակը, զի Արտակն իմ ընկերն է)))

Միանում եմ Նաիրա Նիկողոսյանին: Երկար դասամիջոցի հերթերն են հաճախ ուշացման պատճառ դառնում:

Ինձ թվում է այս հարցում միայն երախաներն են մեղավոր, որովհետև երեխան պարտավոր է չուշանալ դասերից իսկ եթե նա ուշանում է և ուսուցիչը դա նշում է մատյանում այդ դեպքում երեխան ինչ որ չարուցյուն պետք է արտահայտի ուսուցչի հանդեպ, որովհետև դա ուսուցչի պարտականությունն է:
By Ստեփան Ղազարյան

Շատ աշխատող տարբերակ է,գուցե հիմնական դպրոցի երեխաներ համար: Հարցն էլ բուֆետի ուտելիքների մեջ չէ, որ մտածենք, ինչ բերենք դասամիջոցին ուտենք,ուղղակի եթե թեյ ենք պատվիրում,ապա ստիպված ենք լինում պարզապես 10 րոպե անիմաստ կորցնել: Քանի որ սպասում ենք միայն,թե երբ պատրաստ կլինի..
By Խանզրատյան Իզաբելլա

Տիկին Սուսան, կներեք ուշ պատասխանելու համար: Այն աշակերտները, որոնք խուսափում են օրինակ առավոտյան ընդհանուր պարապմունքի երգ ու պարից..., ինչպես նաև դասերից, նրանց համար բակում կամ այգում աշխատելը կարող է և պատիժը համարվել, որը կլինի և՛ մեղմ, և՛ օգտակար:

Ավաղ.... ընդհանուր պարապմունքը չի չափորոշվում երգ ու պարով:

Հայկուհի ջան, այգում կամ բակում աշխատելը ոչ մի դեպքում չի կարելի պատիժ համարել: Դա այլասերում է աշխատանքի, այն էլ հասարակական աշխատանքի գաղափարը:

Քիչ էր մնում մոռանայի. հրապարակված որոշման և հրամանի մեջ, չկա կետ, որը վերաբերվում է բազմիցս ուշացող սովորողներին, ասել կուզե, իրավախախտումը չի ծնում պատասխանատվությունը: Սա ցավալի է, քանզի ՀՀ 3-րդ Հանրապետության ուղեկիցն է, և գոնե պիտի տեղ գտներ Ազատության օթյակ համարվող կրթահամալիրում: Հ. Գ. չկա սովորողի դասավանդողի արժանապատվություն, կա մարդու արժանապատվություն:

Եթե ուշացման պատճառ է հանդիսանում դպրոցից դուրս սնվելը ապա առաջարկում եմ փոխել ճաշարանի ուտեստների ցանկը:Անձամբ ես դպրոցի ճաշարանից չեմ օգտվում և իմ դասընկերների զգալի մասը:
By Աիդա Ստեփանյան

Դուրս գալիս են ոչ միայն ճաշացանկի, այլև ազատությունը դրսևորելու համար։ Հիմնական դպրոցի շուրջը «Էտալոն» չկա, դրա համար էլ գործում է։ Բայց որ դպրոցի տարածքից դուրս գալը պիտի վերահսկվի, դրան համաձայն եմ։

Այ սիրելիներս, էնքան կարևորեցինք ուշացող աշակերտներին, առաջարկում եմ ժամանակ առ ժամանակ դասերին առանձնացնել պարտաճանաչ աշակերտներին, գովել, ինչու չէ, մեծարել, մրցանակներ սահմանել, դա կարող է խրախուսիչ օրինակ լինել ուշացողների համար: Ուսուցիչը միշտ էլ իր զինանոցում խնամքով պահած միջոցներ պիտի ունենա: Հավատացնում եմ` փորձված միջոց է:

Տիար Գևորգ, իրավունքի չարաշահման հետևանքով է, որ ուսուցիչ-սովորող կոնֆլիկտ է առաջանում, հիմնական առանձնահատկությունը այն է, որ իրավախախտողի գործողությունները ձևականորեն հիմնված են իրեն պատկանող իրավունքների վրա, բայց իրականացնում է այնպիսի եղանակներով ու շրջանակներում, որ խախտվում է այլ անձնանց իրավունքները, շահերն ու արժանապատվությունը:

Բարի երեկո: Խոսքս ուզում եմ սկսել և ավարտել մեծն լուսավորիչ Խաչատուր Աբովյանի խոսքերով: >:

Արսեն ջան, խոսքդ սկսիր և ավարտիր ճիշտ չակերտներ դնելով, որ գրածդ երևա ու հասկացվի:

Աիդա ջան, ինչ ցանկ էք նախընտրում? ես վստահ եմ , որ Ձեր Պահանջարկը հաստատ Առաջարկ կծնի մեր բուֆետներում,

Եթե սովորողը գիտակցում է, որ ուշանալով բաց է թողնում դասի այդ հատվածը, կաշխատի չուշանալ: Կարծում եմ, մենք պետք է հարգենք օրենքը և կատարենք մեզ վրա դրված պարտականությունները:

Սովորողները կարող են նաև մինչև երկար դասամիջոցը կատարել իրենց գնումները ( եթե, իհարկե, նրանք ուշանալու առիթ չեն փնտրում) : Նոր դպրոցում մենք այդպես լուծեցինք քսան րոպեանոց դասամիջոցի` խոհանոցի մոտ սովորողների կուտակումերը:

Բարի երեկո: Խոսքս ուզում եմ սկսել և ավարտել մեծն լուսավորիչ Խաչատուր Աբովյանի խոսքերով: >:

Սուրեն ջան, կրթահամալիրում գործում են խոհանոց-լաբորատորիաներ, մենք բուֆետ չունենք:

Այդ ցանկը կարելի է կազմել բոլոր սովորողների հետ,համոզված եմ դրանից հետո խիստ կնվազի սնվելու պատճառով ուշացումների քանակը
By Աիդա Ստեփանյան

Սովորողին ուշացման համար ենթարկել ֆինանսական տույժի՝ (5000դրամ),սա ուղղակի ծիծաղելի է,երևի Դուք ծաղրում եք կրթական համակարգը:Սովորողի ուշացումը ինչու եք կապում միայն դիտավորության հետ,չնայած կա նաև այդ տարբերակը ուսուցիչ-աշակերտ հարաբերութունների վատթարացման արդյունքում: Առնցանց քննարկմանը հայտարարելով սովորողների ուշացումների ,բացատրագրերի,նկատողությունների մասին,ցավոք,բայց ուշացող սովորողների քանակը չփոքրացավ:
By Շուշան Բալայան

Մենք՝ սովորողներս պարտավոր ենք հարգել և կատարել կրթահամալիրի ներքին կանոնադրությունը:Բայց ուսուցիչն էլ իր հերթին պետք է հարգի աշակետին,նրա սահմանադրական իրավունքները և վերջապես որպես մարդ:Մանկավառժը իրավունք չունի վիրավորելու ածակերտին,աշակերտն էլ իր հերթին:Սակայն պատահում է,որ ուսուցիչն էլ է ուշանում.....
By Աննա Սմբատյան

Երեխաների ուշացումների դեմ մի միջոց կա. հարկավոր է, որ նրանք իսկապես կորցնելու բան ունենան դասարանում։

Համաձայն եմ ընկեր Հասմիկ: Հարկավոր է, որ սովորողները կարևորեն այն ամենը, ինչ տեղի է ունենում դասարում:Իսկ դրա համար ծնողի և դասավանդողի գործոնն էլ է մեծ:

Բայց երբ նայում ենք էլեկտրոնային մատյանները, սիրելի գործընկերներ, չի երևում, որ ուշացումներն այսօր անհանգստացնող երևույթ են: Կարծում եմ` շատ ավելի անհանգստացնող է այն փաստը, երբ տեսնում ես 10-15 րոպե ուշացած սովորողների խումբ, իսկ մատյանում ոչ մի ուշացման փաստ արձանագրված չէ: Ուսուցչին կարելի է կարգը խախտել, սովորողին` ո՞չ: Ուշացող սովորողները խնդի՞ր են, իսկ ուշացող դասավանդողնե՞րը... Ընդհանուր պարապմունքին պետք է մասնակցեն բոլորը, իսկ որոշ դասավանդողներ պետք է կանգնած զրուցե՞ն... Կա՞ սովորող, ով պատասխան է տվել սիստեմատիկ ուշացումների համար: Կարող է պարզվել, որ մենք սիստեմատիկ ուշացող սովորող չունենք էլ: Նայեք մատյանները...

Կարծում եմ, յուրաքանչյուր ոք պետք է խոսի իր անունից: Անձամբ ես խոսում եմ իմ անունից, քանի որ պարտադիր նշանակում եմ ուշացումները և առավել ևս Դուք, ով իմ հետ աշխատելու փորձ ունի, տեղյակ եք այդ մասին:

Տիկին Մարիետ, պարտաճանաչ լրացնում եմ յուրաքանչյուր ուշացում, ասեմ ավելին, սիստեմատիկ ուշացողների մասին տեղեկացրել եմ նաև կազմակերպիչներին: Եթե այդ ուշացողների հանդեպ որևէ կարգապահական պատիժ է կիրառվել, ապա ո՞րտեղից կարելի է դրա մասին իմանալ: Եթե նրանք բացատրագիր են գրում, ապա ճիշտ կլիներ, որ այդ բացատրագրի մի օրինակն էլ դասավանդողին ուղարկվեր` նրան տեղեկացնելու համար, որ իր մատյանում պարտաճանաչ գրանցումը հաշվառվել է և սովորողին և իր ծնողին հասցեագրվել:

Բարի երեկո բոլորին: Ուշադիր հետևում եմ քննարկումներին. կարծես բոլորս նույն բանն ենք զգում, մտածում, բայց արդյունքում ոչինչ էլ չի փոխվում: Ավագ դպրոցի սովորողը, որ դասավանդողի պարտականություներն ավելի լավ գիտի, քան իրենը, կարող է ամեն օր ուշանալ, ամեն դասի ուշանալ, ուտելով մտնել դասարան, դեռ դժգոհելով պատասխանել` 50 ր ուշացում նշանակեք: Դասամիջոցի տևողությունը կապ չունի, ուշացողն էլի ուշանալու է: Լիովին համաձայն եմ` մեր սովորողն է, մեր երեխան է, պետք է հարգենք նրա արժանապատվությունը, իսկ հենց ինքը` սովորողը, հարգում է իր և այլոց արժանապատվությունը: Առցանց ուսուցման հարցում լրիվ համաձայն եմ գործընկերներիս հետ. միևնույն է` չեն պատասխանում: Ձայն բարբառո հանապատի:

Ես հիմա առցանց ուսուցմամբ եմ սովորում, որովհետև պառկած եմ հիվանդանոցում: Ինձ ուղարկվում են առաջադրանքներ, ես դրանք կատարում եմ: Շնորհակալ եմ որ ունեմ առցանց սովորելու հնարավորությունը: Հիվանդանոցում էլի դպրոցի հետ եմ:
By Մաքսիմ Ունուսյան

Ես նույնպես կարծում եմ, որ ուշացող մարդկանց ամեն օր բացատրագիր գրելը կօգնի: Պետք է այնպիսի բան անել, որ այլևս ոչ մի երեխա և ուսուցչուհի չուշանա: Դրանցից մեկն էր հաշվառման մատյանը, որովհետև դրա միջոցով ծնողը կարող է տեսնել, թե երեխան, որ դասից և ինչքան ժամանակ է ուշացել:
By Շուշան

Այնպիսի տպավորություն է, որ ուսմանը խանգարող ամենամեծ պատնեշը ուշացումներն են: Եթե ուշացումներ չլինեն, ապա ուսումնական պարապմունքը գերազանց կլինի: Ինձ շատ ավելի անհանգստացնում են դասը խանգարող մարդիկ: Նրանք սովորողներ չեն, նրանք արդեն երեխաներ էլ չեն: Նրանք ոչ միայն իրենք սովորողներ չեն, այլև խանգարում են սովորողների արդեն նոսրացող քանակին: Նորից պետք է բերեմ այլ երկրների օրինակը: Միացյալ Թագավորությունում միջին դպրոցից ավագ դպրոց կարողանում է տեղափոխվել ամբողջ սովորողների 30 %-ը, իսկ ավագ դպրոցն էլ կարողանում է ավարտել եղած սովորողների միայն 25%-ը: Մենք պետք է նախ և առաջ պաշտպանենք իրապես սովորողների իրավունքները` լուծարելով սովորողներին խանգարողների պայմանագրերը:

Բարի երեկո: Հիշում եմ` տարիներ առաջ, տիար Բլեյանը արգելեց փակ պահել այգու դռները, ասելով` սովորեցրեք պտուղն ուտել առանց ծառը վնասելու: Կարծում էինք դժվար կլինի, սակայն այսօր ունենք աշխատող, հոգատար, խնամող սովորողներ: Մենք կարողացանք սովորեցնել այդ ամենը, ուրեմն կարող ենք նաև սովորեցնել չուշանալ, սովորեցնել խոսքով, սեփական օրինակով, ամեն օր և անհոգնել:

Կարծում եմ, որ առաջին հերթին ուսուցիչն ինքը չպետք է ուշանա, պետք է դասարան մտնի ճիշտ ժամանակին և նոր նույնը աշակերտից պահանջի:

Համաձայն եմ ընկեր Տաթևի
By Աիդա Ստեփանյան

Ճիշտ եք պետք է օրինակ ծառայել աշակերտին
By Տիգրան Արթենյան

Բարի երեկո: Խոսքս ուզում եմ սկսել և ավարտել մեծ լուսավորիչ Խաչատուր Աբովյանի խոսքերով: >:

Չգիտես ինչու՝ շատերը ուշացումը կապում են սնվելու հետ: Դա ուշացման պատճառներից մեկն է: Իմ կարծիքով ավելի լուրջ խնդիրներ կան, մանավանդ երբ ուշանում են ոչ առաջին դասին և ոչ երկար դասամիջոցից հետո: Մենք չանդրադարձանք առավոտյան ընդհանուր պարապմունքից ուշանալուն: Կրտսեր դպրոցում դրա մեղավորները հիմնականում ծնողներն են լինում:

Բարի երեկո: Խոսքս ուզում եմ սկսել և ավարտել մեծ լուսավորիչ Խաչատուր Աբովյանի խոսքերով: >:

Բարի երեկո:Իմ կարծիքով մեր յուրաքանչյուր սովորող հստակ պետք է գիտենա ոչ միայն իր իրավունքները, այլև իր պարտականությունները:Ցավոք մեր սովորողների մեծ մասը շատ լավ գիտի իր իրավունքները և ուսուցիչների պարտականությունները ,իսկ իր պարտականությունները ոչ:
By Մ.Պողոսյան

Համաձայն եմ, Սոֆյա ջան, սա էլ, համաձայնեք, մանկավարժություն է, ուսուցում, իսկ տիար Յուրա, ձեր ասածը՝«որպես իր նսատած սովորողնե՞ր», սովորողների հետ մանկավարժություն էլ պետք չի, Դուք հատուկ դպրոցների հետ եք, իսկ մենք հայտարարել ենք՝ կրթություն բոլորի համար, հետզոտական մանկավարժությունն էլ հե՛նց ձեր նշած սովորողների հետ է, նրանք մեր կողքին են ու պիտի ամեն ինչ անենք ներառելու: Մեր այսօրվա քննարկում վերաբերվում է բոլորիս:

Նառա ջան, ավագ դպրոց-վարժարանում «որպես իր նստած սովորողի» հետ իրական մանկավարժություն իրականացնելն այն կլինի, որ օգնես նրան դուրս գա վարժարանից և արդյունավետ, իրեն օգտակար, իր հետագա աշխատանքային գործունեությանն ուղղված գործով զբաղվի: Ժամանակը քամուն տալուն չի կարելի նպաստել: Դա ոչ մի մանկավարժությամբ էլ թույլատրելի չէ:

Համաձայն եմ, տիկին Մարիետ... Մարդը իր լինել չի կարող, պարզապես մարդուն օգնել է պետք:

Կյանքը ցույց է տալիս, որ ուշանում են մեկ-երկու սովորող՝ մշտական ուշացողներ, երբեմն էլ լինում են չնախատեսված ուշացումներ՝ դե մարդիկ են էլի: Դպրոցի դռներն էլ չէի փակի՝ դրան դեմ եմ սկզբունքորեն: Դպրոցը բանտ չի: Իսկ սնունդը հաստատ խնդիր է. ո՞վ ասաց, որ ավագ դպրոցի սովորողն իր հետ ուտելիք կբերի կամ ինչո՞ւ բերի: Լա՞վ էր, որ ուսուցիչները բերում էին:

Ես ամեն օր դպրոց եմ գնում ուսուցչիս ու մի խումբ ընկերներիս հետ 08:30: Մենք բացառում ենք ուշանալը: Մեզ նման՝ շատերը: Եկեք չընդհանրացնենք ճիշտն ու սխալը: Կրթահամալիրի սովորողի կերպարը շատ լավն է, արժանապատվությունը՝ միշտ արթուն...

Արսեն ջան, դե վերջապես սկսիր ու ավարտիր Աբովյանի խոսքերով...

Pages

Կարծիք ավելացնել