Նոյեմբերի 5,6-ին «Մոսկվայի տանը» կայացավ «Սոցիալական աշխատանքի տեսությունը, կրթությունն ու պրակտիկան արդի բարեփոխումների համատեքստում»համաժողովը՝ նվիրված սոցիալական աշխատողների մասնագիտական օրվան (Ազգային ժողովը նոյեմբերի 4-ը ընդունել է որպես սոցիալական աշխատողների մասնագիտական օր): Համաժողովը կազմակերպել էին «Ներդաշնակ հասարակություն» սոցիալական աշխատանքի ասոցասիան, ԵՊՀ սոցիալական աշխատանքի և սոցիալական տեխնոլոգիաների ամբիոնը և Վորլդ Վիժն Հայաստան կազմակերպությունը ՀՀ Աշխատանքի և սոցիալական հարցերի նախարարություն հետ համատեղ: Համաժողովին մասնակցում էին ոլորտի շահագրգիռ անձինք, կազմակերպություններ, պետական կառույցներ, կային արտերկրից հյուրեր: Կազմակերպվել էր նաևՍոցիալական ծառայությունների ցուցահանդես: Համաժողովի պլենար նիստում ներկայացվեցին երկու տասնյակից ավելի ելույթներ, հնչեցին հարց ու պատասխանցներ, եղան քննարկումներ: Կրթահամալիրը ներկայացավ «Սոցիալական ցանցը՝ որպես կրթահամալիրի սոցիալական աշախտողի արդյունավետ գործիք: Սոցիալական աշխատանքի նոր մոդել» զեկուցումով: Համաժողովի երկրորդ մասը ընթացավ սեկցիոն աշխատանքներով, որոնց արդյունքները ամփոփվեցին համաժողովի պլենար նիստում:
Երկօրյա աշխատանքների արդյունքում բարձրացվեցին սոցիալական աշխատանքի ոլորտում առկա մի շարք խնդիրներ: Ստեղծվեց առաջարկների փաթեթ՝ ուղղված ԵՊՀ սոցիալական աշխատանքի և սոցիալական տեխնոլոգիաների ամբիոնին, Աշխատանքի և սոցիալական հարցերի նախարարությանը և «Ներդաշնակ հասարակություն» սոցիալական աշխատանքի ասոցիացիային: Ասոցիացիային անդամագրվելու հնարավորություն ունեին նաև համաժողովի ներկաները: Համաժողովի կարևոր ձերքբերումն էր «Սոցիալական աշխատողի կոդեքսի» հաստատումը:
Ներկաներին տրվեցին մասնակցության վկայականներ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
