2012-2013 ուստարվա ձմեռային շրջանում կրթահամալիրի կրթական օբյեկտների ջերմամեկուսացման և ջեռուցման նախապատրաստական աշխատանքներն ավարտելու նպատակով.
- Մինչև ս.թ. նոյեմբերի 12-ը ավարտել կրթական օբյեկտների ջերմամեկուսացման, դասարաններում, աշխատասենյակներում և ուսումնական այլ տարածքներում հանդերձարանների (կախիչների), արտաքին կոյուղիների ցանցի վերականգնման, նկուղների անվտանգության, լուսավորման և ջերմամեկուսացման, գլխավոր մուտքերի ճանապարհների բարելավման, տանիքների նորոգման՝ կաթոցների վերացման աշխատանքները:
- Մինչև ս.թ. նոյեմբերի 5-ը սահմանված կարգով ավարտել կրթական օբյեկտների կաթսայատների, ջեռուցման ցանցերի ստուգման և փորձարկման աշխատանքները: Փորձարկման աշխատանքների արդյունքով կազմել կից ներկայացվող նմուշի ակտեր (հավելված 1) և դրանք հրապարակել նոյեմբերի 5-ի մասնաժողովում:
- Կաթսայատները ջեռուցել սկսած ս.թ. նոյեմբերի 5-ից՝ ելնելով անհրաժեշտությունից, ապահովելով շենքում 18-20C տաքություն: Կրթական օբյեկտների ջեռուցման աշխատակարգերը սույն հրամանի պահանջների հաշվառմամբ, սահմանում են կրթական օբյեկտների պատասխանատուները (հավելված 2):
- Հաստատել կրթական օբյեկտների անվտանգ ու անընդհատ ջեռուցման համար պատասխանատուների և կաթսայատների հնոցապանների ցուցակը (հավելված 3):
- Հանձնարարել Սուրեն Պարսյանին Վահրամ Մարտիրոսյանի միջոցով մինչև ս.թ. նոյեմբերի 6-ը յուրաքանչյուր կրթական օբյեկտ ապահովել ջեռուցման տեխնիկական սպասարկման և ջերմամեկուսացման համար պակասող պիտույքներով և գործիքներով:
- 2012թ. նոյեմբերի 5-ից սկսած` յուրաքանչյուր օր սահմանված կարգով գրանցել.
կրթական օբյեկտի սպառած գազի, էլեկտրաէներգիայի, ջրի ծախսերը,
կրթական օբյեկտի միջանցքների, դասասենյակների, ուսումնական այլ տարածքների ջերմաստիճանները:
-
Հրամանում հիշատակված անձանց անհատապես ծանոթացնել հրամանին, իսկ կրթահամալիրի աշխատողներին և սովորողներին` կայքի միջոցով:
Կրթահամալիրի տնօրեն՝ Ա. Բլեյան