Երեկ ESBAS ֆիրմայի դահլիճում տեղի ունեցավ տիեզերական ճամբարի մշակութային երեկոն: Մասնակիցները ճամբարի թուրք, հայ, ռուս, լեհ, արաբ, իսրայելցի, ռումինացի, չինացի երեխաներն էին:Նրանք ներկայացնում էին իրենց երկիրը, մշակույթը, երգն ու պարը:
Շատ հետաքրքիր են այսպիսի հանդիպումները: Յուրաքանչյուրը ցանկանում է լավագույնս հանդես գալ: Տարբեր էին նաև ներկայացման ձևերը: Չինացիները հենց բեմի վրա սկսեցին նկարել` ոգեշնչված չինական երաժշտությամբ, թուրքերը ներկայացում ցուց տվեցին` հանդիպել են մարսեցիները երկրաբանակների հետ, լեհերը իրենց լեգենդների մասին պատմեցին:
Մեր խմբի Հրակը և Հայկը ներկայացրեցին Հայաստանի և մեր կրթահամալիրի «Տիեզերք» ակումբի մասին նախօրոք պատրաստված նյութերը, իսկ հետո խումբը ընկեր Արտակի գլխավորությամբ պարեց մեր հայկական շուրջպարը: Պարեցին գեղեցիկ, ոգեշնչված. կեցցե ընկեր Արշակը: Հասցրեց պարել սովորեցնել մեր խմբին:Նրան համար որպես նվեր` նկարահանել ենք արաբների պարը. թող հայերն էլ արաբական պար պարեն: Շնորհակալ ենք նաև Խանջյան Մերիին, որ իր արձակուրդի ընթացքում մեկ օրում հասցրեց կարել հայկական տարազին փոխարինող դետալները` գոտիներն ու ճակատնոցները:
Ընդհանրապես, մեր թիկունքում միշտ զգում ենք մեր կրթահամալիրը, տիար Բլեյանին, և դա մեզ ուժ է տալիս: Շնորհակալ ենք բոլորից:
Հետո ելույթ ունեցավ Եվան, որի ներշնչված կատարումը բուռն ծափահարությունների արժանացավ, իսկ Վաղինակի խաչատրյանական կատարումը ցնցեց բոլորին: Նա վարպետորեն նվագեց: Որքան թաքնված տաղանդներ ունենք: Ճամբարի ղեկավարը մեզ խնդրեց ուսուցիչների համար առանձին երաժշտական հանդիպում կազմակերպել Վաղինակի հետ:
Վերջում ելույթ ունեցան ճամբարի ուսուցիչները` իրենց կատակ երգ-պարով:
Հանդիպումից հետո երեխաները իրենց ջոկատներով գնացին ճամբար, իսկ մեզ` ուսուցիչներիս, հրավիրեցին քաղաք` պաղպաղակ ուտելու: Այս մասին` հետո:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
