2012-2013 ուսումնական տարի
Հիմնական կրթություն
Ուսումնական պլան
7-9-րդ դասարանների համար
Ուսումնական դասընթացներ |
Տարեկան ժամաքանակ |
||
VII |
VIII |
IX |
|
Հայոց լեզու |
108 |
108 |
102 |
Գրականություն |
108 |
108 |
102 |
Ռուսերեն |
72 |
72 |
68 |
Անգլերեն |
108 |
108 |
102 |
Հանրահաշիվ |
72 |
72 |
68 |
Երկրաչափություն |
72 |
72 |
68 |
Ֆիզիկա |
72 |
72 |
68 |
Քիմիա |
36 |
36 |
34 |
Կենսաբանություն, էկոլոգիա |
72 |
72 |
68 |
Պատմություն |
72 |
72 |
68 |
Աշխարհագրություն |
36 |
36 |
34 |
Հասարակագիտություն |
- |
- |
68 |
Արվեստ |
72 |
72 |
68 |
Տեխնոլոգիա, այդ թվում` մեդիա |
72 |
72 |
68 |
Ֆիզկուլտուրա և անվտանգ կենսագործունեություն |
108 |
108 |
102 |
Սովորողի ընտրած գործունեություն |
144 |
144 |
136 |
Ընդամենը |
1224 |
1224 |
1156 |
Լրացուցիչ կրթություն |
108 |
108 |
102 |
Ուսումնական պլանի պարզաբանումներ
1. Ուսումնական պլանը «Ստեղծողի դպրոց. անհատի կրթական պատվեր. մեդիակրթություն» (պետական այլընտրանքային) կրթական ծրագրի (այսուհետ` Ծրագիր) հավելվածն է:
2. Ծրագրի 7-9-րդ դասարանները գործում են Միջին դպրոցի և Հիմնական դպրոցի կազմում:
3. 7-9-րդ դասարան ընդունվում է համապատասխան դասարանի սովորողը, ում ծնողն ընտրում է Ծրագիրը և սահմանված կարգով կնքում պայմանագիր ուսումնառության մասին:
4. Դասարանում սովորողների թիվը 20-22 է: Սովորողի ընտրությամբ գործունեության դասընթացները կազմակերպվում են 12-22 հոգիանոց խմբերով:
5. Ուսումնական պլանի պարզաբանումներում նշված կարգերը ուսումնական պլանի հավելվածն են: Դրանցում փոփոխությունները դպրոցի ղեկավարի ներկայացմամբ հաստատում է կրթահամալիրի տնօրենը:
6. Ուսուցման կազմակերպման մեջ սահմանված կարգով կիրառվում են առկա, հեռավար, առցանց, տնային ուսուցման ձևեր։
7. Սովորողի առաջադիմությունը, ուսումնական արդյունքները, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում:
8. Ուսումնական տարին կազմակերպվում է կրթահամալիրի տարեկան ուսումնական օրացույցով: Դրանով որոշված ճամբարների, ուսումնական ստուգատեսների, Հանրակրթական դիջիթեքի, մեդիաօլիմպիադաների, ծեսերի և տոների սահմանված կարգով մասնակցությունը պարտադիր ուսումնական աշխատանք է:
9. Ուսումնական շաբաթը 6-օրյա է: Շաբաթ օրերը հատկացվում են հայրենագիտական, ուսումնական ճամփորդությունները, ուսումնական-հասարակական նախագծերը, լրացուցիչ կրթության պարապմունքները կազմակերպելուն:
10. Ուսումնական օրն սկսվում է Ծրագրի 15 րոպե տևողությամբ առավոտյան ընդհանուր պարապմունքով` սահմանված կարգով և ծրագրով: Հանգստյան, տոնական, արձակուրդային օրերին ընդհանուր պարապմունքը կազմակերպվում է առցանց։ Պարապմունքի կազմակերպումը սովորողների ուսումնական-հասարակական նախագիծն է:
11. Ուսուցումը կազմակերպվում է տանը և դպրոցում ուսուցողական թվային միջոցների կիրառմամբ: Սովորողը տանն ունի համացանցին միացած համակարգիչ: Դասավանդողը և սովորողը դպրոց են գալիս անհատական նեթբուք-նոթբուքով: Ծրագիրը դպրոցում ապահովում է համացանցից, համակարգչից, էլեկտրոնային գրատախտակից, էլեկտրոնային գրիչներից, ձայնագրիչից, ֆոտոխցիկից, բջջային հեռախոսից ուսումնական նպատակներով օգտվելու հնարավորություն: Ուսումնական առաջադրանքները և դրանց պատասխանները կարող են ներկայացվել նաև էլեկտրոնային եղանակով:
12. Սովորողը կրթահամալիրի գրադարանի, այդ թվում` մեդիանյութերի և միջոցների բաժանորդն է: Գրադարանը սահմանված կարգով տանը և դպրոցում ապահովում է անհրաժեշտ ուսումնական տպագիր և էլեկտրոնային նյութերով, միջոցներով:
13. Կրթահամալիրի, դպրոցի կայքերին հետևելը և դրանց աշխատանքին մասնակցելը սովորողի պարտադիր ուսումնական աշխատանք է:
14. Ուսումնական պարապմունքների բացօթյա կազմակերպումը դիտվում է որպես սովորողի իրավունքների իրագործում:
15. Սահմանված կարգով իրականացվող ուսումնական ճամփորդությունները դասընթացների բաղկացուցիչն են: Սովորողի մասնակցությունը այդ ճամփորդություններին պարտադիր է:
16. Սովորողը սահմանված կարգով մասնակցում է շրջապատի կամ նյութական միջավայրի բարելավմանն ուղղված նախագծերի իրականացմանը: Այդ աշխատանքը ուսումնական ծանրաբեռնվածության մաս չի կազմում: Աշխատանքը ստանում է համապատասխան գրանցում:
17. Սովորողը սահմանված կարգով մասնակցում է պարտադիր ինքնասպասարկմանը` հիգիենիկ պահանջների պահպանում, ուսումնական տարածքի և գույքի խնամք: Այդ աշխատանքը ուսումնական ծանրաբեռնվածության մաս չի կազմում: Աշխատանքը ստանում է համապատասխան գրանցում:
18. Էլեկտրոնային օրագրի, ուսումնական բլոգի վարումը սովորողի համար պարտադիր ուսումնական աշխատանք է:
19. Կրթության առանձնահատուկ պայմանների կարիքով, տևական շրջան Հայաստանից բացակայած սովորողների համար կրթական ծրագիրը սահմանված կարգով կարող է կազմակերպվել որպես անհատական ուսումնական պլանով ու ծրագրերով ուսուցում:
20. «Հայոց լեզու» առարկան ներառում է գործնական քերականություն և խոսքի մշակույթ: «Գրականություն» առարկայի բովանդակությունը ներառում է գրական արևելահայերեն, արևմտահայերեն, գրաբար, միջին հայերեն գրական ստեղծագործություններ: Գրաբարի ուսուցումը կազմակերպվում է նաև Նոր Կտակարանի ընթերցման միջոցով` որպես հայ առաքելական եկեղեցական ծեսի լեզու:
21. «Մաթեմատիկա» ուսումնական բնագավառը ներկայացվում է «Երկրաչափություն», «Հանրահաշիվ» առարկաներով, «Տեխնոլոգիա» առարկայում ներառված «Գծագրություն» դասընթացով:
22. «Կենսաբանություն» առարկան կազմված է «Բուսաբանություն», «Կենդանաբանություն», «Մարդու անատոմիա» դասընթացներից, որոնք ներառում են էկոլոգիայի բաղկացուցիչ և ուսուցանվում փորձի հիման վրա:
23. Սովորողը հանրակրթական դասընթացների և իր ընտրությամբ գործունեության ժամանակ գործնականում կիրառում է օտար լեզուներ:
24. «Ֆիզիկա», «Քիմիա» առարկաների ուսուցումը կազմակերպվում է լաբորատորիաներում` փորձի հիման վրա, ՏՀՏ օգտագործմամբ:
25. «Տեխնոլոգիա» առարկան կազմված է «Մեդիատեխնոլոգիաներ», «Տնային տնտեսվարություն», «Բույսերի խնամք», «Կենդանիների խնամք», «Դիզայն», «Առողջագիտություն», «Գծագրություն», «Մաշկի և մազերի խնամք», «Թվային միջոցների սպասարկում», «Մեդիագրադարան», «Դիզայն-խեցեգործություն» դասընթացներից. կազմակերպվում է գործնական աշխատանքի ձևով, փոքրաքանակ խմբերով:
26. «Արվեստ» առարկան ընդգրկում է կինոդիտում, թատրոն, թանգարաններ և վիրտուալ ցուցադրություններ, ծեսի և տոնի կազմակերպում և երաժշտություն:
27. «Հասարակագիտություն» առարկան ընդգրկում է «Բարոյագիտություն», «Մարդու իրավունք» բաղադրիչները:
28. «Ֆիզկուլտուրա և անվտանգ կենսագործունեություն» առարկան սովորողի ընտրած մարզաձևն է. սովորողը մասնակցում է թիմային պարապմունքներին:
29. 7-9-րդ դասարաններում սովորողը սահմանված կարգով իր ընտրությամբ գործունեություն է իրականացնում` բնագիտական գործունեություն, ինժեներական-տեխնիկական ստեղծագործություն, կինո-ֆոտոգործ, մեդիալրագրություն, օտար լեզու և թարգմանչություն, հայրենագիտություն և էքսկուրսավարություն, կենդանիների խնամք, բույսերի խնամք, կերպարվեստ, դիզայն և մոդելավորում, երաժշտական գործունեություն, տեխնոլոգիա-դիզայն, մարզական գործունեություն, թատրոն:
30. Լրացուցիչ կրթության` օտար լեզվի (անգլերեն, վրացերեն, ռուսերեն, ֆրանսերեն, գերմաներեն, իսպաներեն, թուրքերեն, արաբերեն, պարսկերեն), մաթեմատիկայի, տեխնիկական ստեղծագործության, ֆիզիկայի, քիմիայի, աստղագիտության, էկոլոգիայի, կինո-ֆոտոգործի, համակարգչային գրաֆիկայի, համակարգչային կիրառական ծրագրերի, էլեկտրոնային գրատախտակի, դաշնամուրի, ազգային նվագարանի, վոկալի, պարի, կերպարվեստի, քանդակի, խեցեգործության, կարուձևի, կարպետ-գոբելենի, փայտամշակում-մետաղամշակման, ծաղիկների և բույսերի մշակում-ձևավորման, խոհարարության, շախմատի, մարզաձևի (լող, ֆուտբոլ, բասկետբոլ, ձեռքի գնդակ, վոլեյբոլ, սեղանի թենիս, գեղարվեստական մարմնամարզություն, թեթև ատլետիկա) և այլ դասընթացների կազմակերպման համար սովորողի ծնողի հետ կնքվում է լրացուցիչ կրթության պայմանագիր` որպես ուսումնառության պայմանագրի հավելված:
31. Ուսումնական պլանի և ուսումնական ծրագրերի կատարողականն արտացոլվում է դպրոցի ղեկավարի, դասավանդողների և սովորողների էլեկտրոնային օրագրերում, ուսումնական բլոգներում և սահմանված կարգով ներկայացվող էլեկտրոնային ամսական և կիսամյակային հաշվետվություններում:
32. Կիրառվում են գնահատման տարբեր ձևեր, որոնք բերվում են 10 միավորանոց համակարգի: Գնահատման հիմքում դրվում են սովորողի անհատապես և խմբով կատարած աշխատանքների թղթապանակը (այդ թվում` ինքնաստուգումներ, ընթացիկ և կիսամյակային ամփոփիչ ստուգումներ, հեռավար առաջադրանքների կատարում, հետազոտական-ստեղծագործական աշխատանք, ուսումնական կայքի աշխատանք, ուսումնա-հասարակական նախագծեր, ուսումնական ճամփորդություններ, հայրենագիտական արշավներ, ստեղծագործական ստուգատեսներին, հավաքներին, օլիմպիադաներին, այդ թվում` մեդիա, ցուցահանդեսներին, փառատոներին մասնակցություն), կիսամյակային հաշվետվությունները: Կիսամյակային գնահատականի մեջ գործունեության յուրաքանչյուր 10 միավորանոց սանդղակով գնահատվող ձևը մտնում է իր կշռային գործակցով: Կարող են գործել դասընթացի ծրագրով նախատեսված գնահատման այլ ձևեր: Խրախուսվում է սովորողի ուսումնական գործունեության ինքնահսկման և ինքնաստուգման ձևերի կիրառումը և հրապարակայնացումը մեդիայի միջոցով:
33. Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, ստեղծագործական հավաքներում:
34. 9-րդ դասարանի վերջում սովորողները հանձնում են ավարտական քննություններ` ԿԳ նախարարության սահմանած կարգով: