• Հայերեն
  • English
  • Français
  • Georgian
  • Русский
  • Español
  • Deutsch
  • فارسی
  • Türkçe
  • Italiano

Առաջարկում եմ կարդալ ամռան ամիսներին...

Վարակվելով տիկին Մարետի օրինակով, ես էլ եմ ցանկանում մեր սովորողներին առաջարկել ամառային ընթերցանության մի փոքրիկ ցանկ՝ հիմնականում նախատեսված 12-14 տարեկանների համար:

  1. Աղասի Այվազյան - «Սինյոր Մարտիրոսի արկածները».
  2. Հրանտ Մաթեւոսյան - «Կանաչ դաշտը»
  3. Նոդար Դումբաձե - «Ես, տատիկը, Իլիկոն ու Իլարիոնը»
  4. Ջեք Լոնդոն - «Սպիտակ Ժանիք»
  5. Ուիլյամ Սարոյան - «Իմ անունն Արամ է»
  6. Ջեյմս Քրյուս - «Թիմ Թալեր կամ վաճառված ծիծաղ»
  7. տարբեր արկածային գործեր՝ տարբեր հեղինակների. Մայն Ռիդ, Ժյուլ Վեռն, Ռաֆայել Սաբատինի, Ֆենիմոր Քուպեր, Հենրի Հագգարդ
  8. ֆանտաստիկայի ժանրի տարբեր գործեր՝ տարբեր հեղինակների. Կարեն Սիմոնյան, Այզեկ Ազիմով, Ռեյ Բրեդբերի, Ալեքսանդր Բելյաեւ
  9. Արթուր Կոնան Դոյլ - «Կորուսյալ աշխարհ»
  10. Ալեքսանդր Դյումա - «Ասկանիո»

Կարծիք

Հրաշալի շարք է, իմ դպրոցական ամառները հիշեցրեց: Որ հեղինակի մի գիրքը սկսում էի կարդալ, մինչև ամբողջը չկարդայի, չէի հանգստանա:

Երեխաների տարիքը հաշվի առնող հոգատար ծնողի առաջարկ է և դրա համար էլ շատ տեղին է ու ճիշտ:

Շատ շնորհակալ եմ ուշադրության ու հավանության արժանացնելու համար: Հուսամ՝ որոշ սովորողներ կօգտվեն իմ առաջարկներից... :)

Փոքրերի, և' ավելի մեծ երեխաների համար. Գոֆման, Գաուֆ, Տուվե Յանսոն, Աստրիդ Լինդգրեն, Տրեվերս, Հերբերտ Ուելս, Օ'Հենրի, Ալ.Գրին, Կուպրին, Ռ.Լ. Սթիվենսոն, Չեխով, Գոգոլ, Լ. Տոլտոյ, Տուրգենև.... Լավ, դեռ այսքանը, քանի որ հասկանում եմ, որ այս գործը կարող է անվերջ լինել:

Լուսինե ջան, ես համամիտ չեմ. չի կարելի նույն շարքում գրել Ալ. Գրին, Լինդգրեն ու Տոլստոյ ու Գոգոլ՝ առանց կոնկրետացնելու, թե որ ստեղծագործության մասին է խոսքը: :)

Կարծում եմ, ստեղծագործությունները առաջարկելու դեպքում քոմենթի բաժինը չի բավականացնի: Ինչ կարդալը թող որոշեն ծնողները: Այս հարցում չեմ ուզում ճաշակ թելադրող լինել: Անձամբ ես ամենից շատ սիրում եմ նշածս հեղինակների պատմվածքները, սակայն, մի գուցե, ծնողին դուր է գալիս նրանց վեպերը, պյեսները և այլն:

Ասածիս էությունն այն էր, Լուսինե ջան, որ օրինակ Տոլստոյն ունի գործեր, որոնք հատուկ հասունություն են պահանջում, ու դրանք վաղ տարիքում կարդալ չարժե: Էդքան բան :)

Կարծիք ավելացնել