Արդեն քանի օր է,որ մի խումբ ուսուցիչնեով այցելում ենք Երևանի հիմնական դպրոցները՝ 9-րդ դասարանի սովորողներին տեղեկատվական թերթիկների միջոցով ծանոթացնելու մեր կրթահամալիրի 3 ավագ դպրոցներին:Աշխատանքը բավականին ժամանակատար է, սակայն հասցրել ենք այցելել Դավթաշեն և Մալաթիա-Սեբաստիա համայնքների 16 դպրոցներ: Առաջին օրը մեզ այդքան էլ բարեհամբույր չէին ընդոնում և չէին ցանկանում, որ մենք անձամբ բաժանենք 9-րդցիներին թերթիկները՝ ասելով, որ իրենք կբաժանեն, սակայն ամեն ինչ իր բնականոն ընթացքի մեջ ընկավ:Նույնիսկ տնօրենների սեղաններին դրված էին կրթահամալիրի կողմից էլ.փոստով ուղարկված նամակները:Գրեթե բոլոր դպրոցների ուսուցիչները մեզ հետ միասին ներկայացնում էին մեր կրթահամալիրը: Շատ շոյված և հպարտ ենք մեզ զգում, որ մեր կրթահամալիրի հասցեին գովեստի խոսքեր ենք լսում, և մեր այս պատասխանատու գործը կատարում ենք մեծ սիրով: Հուսով ենք՝ այս տարի կունենանք մեր կրթահամալիրին արժանի նոր սովորողներ:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` [email protected]
