‹‹Ազարտ›› բառը ինձ այս կյանքում մի քանի անգամ է հանդիպել, բայց այդ բառին հայացքս բևեռվել է երեքշաբթի օրը` գրականության դասին Տիգրանի կողմից այն օգտագործելուց հետո: Անկեղծ ասած` մինչև հիմա էլ լավ չեմ հասկանում այդ բառի իմաստը: Սակայն մի երկու տեղ փորփրելուց հետո որոշ պատկերացում կազմեցի «ազարտ» ասվածի մասին: Ըստ պատկերացրածիս` ‹‹ազարտ›› նշանակում է մոլություն, կախվածություն: Աշխարհում ապրող միլիարդավոր մարդիկ ունեն կախվածություն ինչ-որ բանից: Դրանք շատերի մոտ կրկնվում են, իսկ շատերի մոտ` ո´չ, սակայն այդ ամենը թաքցնել գրեթե անհնար է: Մոլության տեսակները շատ են, բայց կթվարկեմ ավելի հաճախ հանդիպող և ավելի վատ ազդեցություն ունեցող ազարտներից մի քանիսը.
Ծխախոտ- բոլորս էլ գիտենք դրա վատ ազդեցությունը
Խաղամոլ- խաղատներին հարստացնող հիմարների խումբ
Ֆանատիզմ- ինչ-որ մեկի համար իրենց կյանքն են զոհաբերում և այլն:
Ուրեմն պարզվում է, որ ես նույնպես ազարտ ունեցող մարդ եմ: Խաղամոլ եմ, բայց ոչ խաղատներում փող վատնող ինչ-որ մեկը, այլ այդ խաղը` ֆուտբոլը, չափից ավելի շատ եմ սիրում: Իմ կյանքը չեմ պատկերացնում առանց ֆուտբոլի և հաստատ կարող եմ ասել` ես կախվածություն ունեմ ֆուտբոլից: Անընդհատ ուզում եմ ֆուտբոլ խաղալ, ագահաբար ուզում եմ ֆուտբոլ խաղալ: Այսքանը իմ ազարտի մասին:
Այս ամենը գրելու ընթացքում մի բան մտորեցի, իսկ եթե ես ֆանատն եմ` «ֆուտբոլ» կոչվող խաղի: Չգիտեմ դա այդպես է, թե ո´չ, բայց որ «ազարտ» բառի ճիշտ համարժեք բառը չգտա` դա փաստ է ...
Արման Հակոբյան, 10-2 դասարան