2012թ. մարտի 3-ին Անահիտ Ավագյանը www.mskh.am կայքի առաջին էջում թողարկել էր «Նարինջը և բնագիտական փորձը» տեսանյութը: Շատ գովելի է, որ մեր դասվարները, հատկապես Անահիտ Ավագյանը, դասարանում փորձեր են կատարում:
Բայց փորձի կատարումը և դրա` մեր իմացած բացատրությունը սովորողին փոխանցելը չպիտի լինեն այդ փորձերի կատարման նպատակը: Կրթահամալիրի դասվարների սեմինարին մի քանի անգամ անդրադարձել եմ այս հարցին (վերջին անգամ այդ մասին խոսել եմ «Դպիրում» Իվետա Ջանազյանի «Բնագիտական փորձեր 5-6-րդ դասարանցիների համար» հոդվածի առիթով): Երևում է, որ մեր դասվարները լավ չեն ընկալել բնագիտական փորձի դերը և նշանակությունը կրտսեր դպրոցում: Սովորողին զարմացնող և ուրախացնող փորձին պետք է հետևի ոչ թե ինչ-որ երևույթի՝ մեր իմացած բացատրությունը, այլ հարցերի և փորձերի մի ամբողջ շղթա: Օրինակ, Անահիտ Ավագյանի վերջին նյութի հետ կապված, ներկայացնեմ հարցերի շարք, որոնց պատասխանը սովորողները կարող էին գտնել փորձերի միջոցով.
Կրտսեր դպրոցում (նաև միջին դպրոցում) դասավանդողներին հիշեցնում եմ, որ փորձ կատարելը ինքնանպատակ չէ. կարևորը սովորողներին կյանքի երևույթներին գիտական մեթոդով մոտենալուն սովորեցնելն է՝ փորձեր-դիտարկում-ընդհանրացնում-եզրակացություն-կիրառություն: Լավ է երկար ժամանակ մեկ երևույթ հետազոտել, քան շատ երևույթներ` կարճ ժամանակով, հպանցիկ:
Այլապես, կարող է սուզվել ոչ միայն կլպած նարինջը, այլև լավ գաղափարը: